Josué 23:3 - Qullan Arunaka DC

³ Jumanakax uñjapxtawa, kunjämtix Tatitux uñisirinakamaru lurki ukxa, jupa kipkarakiw jumanakat arxatasa nuwasïna.

Aymar Bibliia 1986

³ Jumanacajj uñjapjjtawa cunjämtï Diosajj take jumanac contra sayt'ir marcanacampi lurqui ucjja, jupa quipcaraquiw jumanacar arjjatasa nuwasïnjja.

Qullan Arunaca

³ Jumanacajj uñjapjjtawa cunjämtï Diosajj take jumanac contra sayt'ir marcanacampi lurqui ucjja, jupa quipcaraquiw jumanacar arjjatasa nuwasïnjja.

Josué 23:3 Jak'a apnaqawi uñst'ayäwi

Éxodo 14:14

Jumanakax jan llakisipxamti, Tatituw jumanak lanti nuwasiskani —sasa.

Éxodo 19:4

“Jumanakax sum uñjapxtaxa kunjämtix egipcionakar nayax mutuykta ukxa, kunjämtix nayan ukar irpanipksma uksa uñjapxaraktawa, mä pakan chhiqhap patxarus jutapkasma ukhama.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Malaquías 1:5

Jumanakax pachpa nayranakamampiw uñjapxarakïta, ukatsti sapxarakïtawa: “¡Tatitux jach'a ch'amaniwa, Israelan qurpapat jayansa jilarkir ch'amaniwa!” sasa.

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Deuteronomio 20:4

jumanakan Tatit Diosamaw jumanakampïski; jupaw uñisirinakamamp nuwasiskani, jupanakarux atipjapxarakïtawa’ sasa.

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Deuteronomio 7:17

“Inas jumanakax chuymanakaman amuyapxchïta: ‘Aka markanakax jiwasat sipan juk'ampi jilt'atawa, ¿kunjämaraki t'unjapxiriststi?’ sasa.

Deuteronomio 7:24

Reyinakaparus jumanakaruw katuyapxätam, ukatsti jumanakaw jupanakarux chhaqtayapxäta aka uraqin khitis jupanakat jan amtaskiri. Janiw jupanakat khitis jumanak nayräxan sayt'asirjamäkaniti, jumanakaw taqi jupanakarux jiwarayapxäta.

Josué 10:14

Uka urur uñtatax janipuniw utjkänti, janirakiw jichhas utjkaniti, kunjämtix Tatitux uka urun mä jaqin mayisitaparu jayskäna ukhamxa, Tatituw Israel markar arxatasa nuwasiskäna.

Josué 23:10

Jumanakat maynikiw waranqa jaqinakarux jaltayaspa, Tatitu Diosamax jumanakat arxatasin nuwasitap layku, kunjämtix jupa kipka arsuwayki ukarjama.