Josué 23:12 - Qullan Arunaka DC

^12-13 Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

Aymar Bibliia 1986

¹² Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,

Qullan Arunaca

¹² Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,

Josué 23:12 Jak'a apnaqawi uñst'ayäwi

Génesis 2:24

Ukatpï chachax awkipsa, taykapsa jaytxanixa, warmipampi mayachasxañataki, panpachanisti mä sapa janchïpkaspas ukhamäniwa.

Génesis 34:3

Ukampisa Siquem jaqix sintpun Dinarux munatayna, ukatsti kunayman tuqit munayasiñ munäna.

1 Reyes 11:2

Diosasti israelitanakarux uka markanakankir warminakat sataynawa: “Janiw jupanakamp jaqichasipxätati, jupanakas janirakiw jumanakampi jaqichasiñapäkiti, chuymanakam yaqha diosanakar arkañatak jan saranukuyaskañapataki” sasa. Ukampis Salomonax uka warminakar munasin, jupanakampi mayachasïna.

1 Reyes 11:4

Salomonax ch'ama qarit awkïxäna ukkhasti, warminakapax chuymap yaqha diosanak tuqiruw uñtayäna, Salomonax janiw Tatit Diosaparux David awkipjama taqi chuyma luqtaskataynati.

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Isaías 1:4

¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Ezequiel 18:24

“Ukampis, aski jaqitix aski luräwinakap apanukuni, ukatsti kuntix ñanqha jaqix axtañanak lurki ukanak lurarakini ukasti, ¿uka jaqin jakaskañap jumanakax amuyapxtati? Nayasti janiw amtaskxäti kuna askinaktix jupax lurkän ukanakatxa, taqi chuymampi jan arkatap layku, jucha luratap laykuw jiwani.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Mateo 12:45

Ukatsti jupax jupat juk'ampi yaqha paqallqu ñanqha ajayunak tantachi, jupanakamp chikaw uka jaqin chuymapar mantasin ukan jakapxi, uka jaqin sarnaqäwipasti nayra jakañapat sipan juk'ampi jan walïxiwa. Uka kipkaw aka jan wali jaqinakampix lurasirakini”.

Juan 6:66

Ukürutxa, Jesusar arkirinakax waljaniw jaytawayxapxäna, janirakiw Jesusampix sarnaqkxapxänti.

Romanos 12:9

Maynit maynikamax chiqpach chuymampi munasipxam, ñanqha lurañ apanukupxam, ukatsti aski lurañar katuyasipxam.

Deuteronomio 6:15

Jumanakampïki uka Tatitu Diosamasti janiw yaqhampïpxañam munkiti, jupasti jumanakatakiw q'apisispa, ukatsti q'alpun jumanakar t'unjapxiristam.

Deuteronomio 7:3

Janiw jumanakax jupanakamp mä wila masir tukupxätati, janirakiw yuqall wawamarusa, imill wawamarus uka jaqinakan wawanakapamp jaqichasiñap munapxätati.

Deuteronomio 7:4

Ukham lurapxasma ukkhasti, jupanakax wawanakamarux Tatitut armasiyapxaspa, yaqha diosanakaruw yupaychayapxarakispa. Ukatsti Tatitux jumanakatakiw q'apisispa, ukatsti jank'akiw t'unjapxiristam.

Josué 23:11

Jumanak pachpat amuyasipxam, Tatitu Diosamarusti munasipxam.

1 Juan 2:9

Khititix “Qhananktwa” siski ukaxa, ukat jilapar uñisiskarakixa, ch'amakankaskiwa.

Jueces 14:3

Ukampis awkip taykapax sänwa: —¿Kunatarak jumasti uka filisteo jucharar jaqinak taypiru warmi thaqhir sartasti? ¿Janit warmix wila masinakas taypina, jan ukax israelitanak taypin utjkisti? —sasa. Sansonasti sänwa: —Uka tawaquruw walpun munta, nayan warmixäñapatak irpaqanirapipxita —sasa.

Jueces 3:6

israelitanakan yuqanakapasa, phuchhanakapasa, uka markanakankir jaqinakan yuqanakapampi, phuchhanakapampiw jaqichasipxäna, ukatsti diosanakaparuw yupaychapxarakïna.