Josué 23:10 - Qullan Arunaka DC

¹⁰ Jumanakat maynikiw waranqa jaqinakarux jaltayaspa, Tatitu Diosamax jumanakat arxatasin nuwasitap layku, kunjämtix jupa kipka arsuwayki ukarjama.

Aymar Bibliia 1986

¹⁰ Jumanacat mä sapa jakequiw waranka jakenacaru jaltayaspajja, Diosajj jumanacat arjjatasin nuwasitap laycu, cunjämatï jupa quipca arsuwayqui uqhama.

Qullan Arunaca

¹⁰ Jumanacat mä sapa jakequiw waranka jakenacaru jaltayaspajja, Diosajj jumanacat arjjatasin nuwasitap laycu, cunjämatï jupa quipca arsuwayqui uqhama.

Josué 23:10 Jak'a apnaqawi uñst'ayäwi

2 Samuel 23:8

Davidan ejercitopan jan axsarir soldadonakax kimsanïnwa. Jupanakat nayrïrix Joseb-basébet sat hacmonita jaqïnwa, jupasti uka kimsanin jilïripänwa, mä kutisti, lanzapampix kimsaqallq pataka jaqinak jiwarayäna.

1 Crónicas 5:20

ukampis Diosaw jupanakarux yanapt'äna, agarenonakasa, jupanakar jaqkattatanakas atipjataw uñjasipxäna, jupanakax nuwasïwinkasin Diosaruw mayisipxäna jupanakar yanapt'añapataki. Diosasti jupanakarux yanapänwa, jupar jaysapxatap layku.

1 Crónicas 5:22

Uñisirinakapasti waljaniw jiwarapxäna, uka nuwasïwix Diosat jutatap layku. Jupanakasti uka uraqin jakañatakiw qhiparapxäna jaya markar apanukut uñjasipkäna uka urunakkama.

Salmos 35:1

Tatay, nayar nuwirinakampix jumay nuwasim; nayampi ch'axwirinakampix jumay ch'axwam.

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Éxodo 14:14

Jumanakax jan llakisipxamti, Tatituw jumanak lanti nuwasiskani —sasa.

Isaías 30:17

Mä sapa jaqin axsarayatakiw waranqanakax jaltxapxani; ¡taqi jumanakasti phisqanin axsarayatakiw jaltxapxäta! Taqi ukanak ukham lurasitapatxa, jumanakat juk'anikiw ukan qhiparxapxäta, kunjämatix mä lawax qullu patan jikxataski ukhama, jan ukax qullu patan mä chimpükaspas ukhama.

Levítico 26:7

Jumanakasti uñisirinakamarux jaltayapxätawa, espadampi jiwarayataw jumanak nayraqatan uñjasipxani;

Levítico 26:8

jumanakat phisqanikiw patakanir chhuktayañatak munasini, jumanakat patakanisti tunka waranqa uñisirinakaruw chhuktayapxani; uka uñisirinakamasti jumanak nayraqatan jiwarapxani.

Zacarías 12:8

Naya, Tatituw Jerusalén markan jakirinakarux imarakï. Jupanakat wali t'ukhäpkis ukanakax David reyjamaw wali ch'aman tukupxani, Davidat saraqirinakasti Diosar uñtatäniwa, jupanakan nayraqatap sarantir Tatitun angelapjama.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 20:3

akham sasa: ‘Ist'apxam israelit jaqinaka; jichhürux uñisirinakamampiw nuwasipxäta. Janiy ch'amanakamax jiwt'pati, janirak axsarapxamsa; jan khathatipxamti, janirak mulljasipxamsa,

Deuteronomio 20:4

jumanakan Tatit Diosamaw jumanakampïski; jupaw uñisirinakamamp nuwasiskani, jupanakarux atipjapxarakïtawa’ sasa.

Deuteronomio 28:7

“Diosaw jumar nuwantir uñisirinakamarux amparamar katuyätam. Jumamp nuwasirix suma siqicht'ataw jutantapxani, ukampis jumar uñjasax janiw kunjäm jaltxapxatapsa amtasipkaniti.

Deuteronomio 3:22

Uka markanakar jan axsaramti, juman Tatit Diosamaw jumanakat arxatasis nuwasiskani’ sasa.

Deuteronomio 32:20

Ukat saraki: ‘Qhiparuw uñtxä, ¡kunakxay lurapxchini! Chiqpachansa qhuru chuyman jaqinakäpxiwa, jan iyawsañan wawanakäpxarakiwa.

Deuteronomio 32:30

¿Kunjämarak mayni sapak waranqanir jaltayisti? ¿Kunjämarak paninikisti tunka waranqanir jaltayisti? ¡Arxatir Dios sapakiw uñisirinakamar atipjaytamxa!

Josué 23:11

Jumanak pachpat amuyasipxam, Tatitu Diosamarusti munasipxam.

Josué 23:3

Jumanakax uñjapxtawa, kunjämtix Tatitux uñisirinakamaru lurki ukxa, jupa kipkarakiw jumanakat arxatasa nuwasïna.

Jueces 15:15

ukatsti ukawjan asnon chhuyu änkha ch'akhap uñjasin, ukampiw waranqa filisteonakarux jiwarayäna.

Jueces 3:31

Uka qhipatsti israelitanakan jilïripax Samgar satänwa, jupasti Anat chachan yuqapänwa, jupax hierro k'achin lawampiw patak filisteonak jiwarayäna. Ukhamat Samgar chachax israelitanakar qhispiyäna.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa: