Josué 22:9 - Qullan Arunaka DC

⁹ Ukhamaw Rubén, Gad ayllunkirinaka, ukhamarak Manasés ayllunkir chikat jaqinakapax Siló chiqan maynïr israelitanakat t'aqaqtawayxapxäna, Canaán uraqina, Galaad chiqankki uka uraqinakapar kuttxañataki, kawkhantix uraqinakapax utjäna uka chiqaru, kunjämtix Tatitux Moisés tuqi arskatayna ukhamarjama.

Aymar Bibliia 1986

⁹ Uqhamaw Rubén, Gad, uqhamaraqui chicat Manasés tribunacajj, maynïri israelit jakenacat t'akaktawayjjapjjäna Silo sat chekana, Canaán orakena; ucat Galaad tokeru cuttañataqui, cawqharutï Diosajj Moisés toke orakenac churcän ucqharu.

Qullan Arunaca

⁹ Uqhamaw Rubén, Gad, uqhamaraqui chicat Manasés tribunacajj, maynïri israelit jakenacat t'akaktawayjjapjjäna Silo sat chekana, Canaán orakena; ucat Galaad tokeru cuttañataqui, cawqharutï Diosajj Moisés toke orakenac churcän ucqharu.

Josué 22:9 Jak'a apnaqawi uñst'ayäwi

2 Samuel 2:9

ukan juparux Israel markan reyipat utt'ayäna. Ukhamat Is-bóset chachax Galaad, Gesuri, Jezreel, Efraín, Benjamín, uka markanak apnaqäna.

1 Crónicas 5:9

Inti jalsu tuqirusti, Éufrates jawir chiqata wasarax qalltaski ukakama, uywanakapasti Galaad chiqan walipuniw mirantäna.

Salmos 60:7

7 (9) Galaad uraqix nayankiwa, Manasés uraqis nayankiwa; Efraín uraqix p'iqixar asxatasiñawa, Judá uraqisti, jilïr kankañ thujruxawa;

Números 32:1

Rubén, Gad ayllunkir jaqinakan uywanakapax waljapunïnwa. Jupanakasti Jazer uraqimpi, Galaad uraqimpi, uywanak uywañatak wali suma uraqïtap uñjasinxa,

Números 32:20

Ukxaruw Moisesax jupanakar säna: —Jumanakatix ukham lurañ munapxstaxa, wakichrantasipxam, nuwasïwir sarantapxam.

Números 32:22

Tatitux uka uraqi katuntkani ukapachasti, jumanakax utanakamaruw kuttanxapxäta, ukampix arsüwinakamsa Tatit nayraqatana, Israel marka nayraqatansa phuqhapxätawa. Aka uraqisti, Tatitun arsutaparjamaw jumanakankani.

Números 32:26

Nanakan warminakaxampi, jisk'a wawanakaxampi, taqpach uywanakaxampix, aka Galaad markanakan qhiparapxani,

Números 32:29

—Gad, Rubén ayllunakankir taqpach jaqinakapatix jumanakamp chika Jordán jawir wakichrantat makhatapxani, Tatitun arsutapar jaysasa, jumanakan uka uraqi katuntañamkamaxa, ukapachasti jumanakax Galaad uraq jupanakar churapxäta.

Deuteronomio 3:18

“Uka urun nayax akham iwxapxaraksma: ‘Jumanakan Tatit Diosamaw aka uraqi jumanakar katuyapxtam. Khitinakatix nuwasiñ yatipkta ukanakax nuwasiñ yänakam apxarusin israelit jilanakam nayräxap sarantapxam.

Deuteronomio 3:20

Janiw jumanakax churapksma uka uraqir kuttanipkätati, Tatitux jilanakamar samarañ churkani ukkhakama, kunjämtix jumanakar churapktam ukhama, jupanakan kawkïr uraqtix Tatit Diosamax Jordán jawirat khursar churkani uka uraqinak katuntasiñapkama’ sasa.

Deuteronomio 34:1

Moisesax Moab wasaratxa, Pisgá sat qullu pataruw makhatäna, ukatsti Nebo qullu pataruw purirakïna, Jericó marka uñkatasina. Uka chiqat Tatitux uñtayäna taqpach Galaad uraqinaka, Dan ayllun uraqinakapkama;

Josué 13:11

Jupanakarusti Galaad uraqinaka, guesureo, maacateo jaqinakan uraqinakapax wakt'arakïnwa, Hermón qullunakampi, Basán uraqinakamppacha, Salcá chiqakama,

Josué 13:25

Jupanakarusti Jazer marka, Galaad uraqinkir taqi markanakamppacha, amonitanakan chikat uraqipamppachaw wakt'äna, Aroer sat chiqakama, ukax Rabá marka uñkatasinkiwa,

Josué 13:31

Galaad uraqit chikatpacha, Astarot, Edrei markamppacha. Taqi uka uraqinakasti Manasés chachan Maquir yuqapan wawanakapat chikatatakïnwa, qawqhäkitix wila masi tamanakapax ukarjama.

Josué 22:10

Kunapachatix Rubén, Gad, ukhamarak Manasés ayllunkir chikat jaqinakapax Jordán jawirar puripkän ukkhaxa, Canaán uraqinkkasin, jawir thiyar mä jach'a altar lurapxäna.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.

Jueces 5:17

“Galaad jaqinakax Jordán jawirat khurkatan qhiparäna; Dan ayllunkirinakax barconak jak'an qhiparäna, Aser ayllunkirinakasti quta thiyaruw qhiparäna, uka chiqatsti janiw kawksarus unxtkänti;