Josué 22:7 - Qullan Arunaka DC

⁷ Moisesax, Manasés chachan ayllupankir maynïr chikat jaqiparux, Basán chiqankki uka uraqi churxatayna. Maynïr chikat jaqiparusti, Josué chachax israelit jilanakapan uraqip taypiruw uraqinak churäna, Jordán jawira inti jalanta tuqiru, ukat jupax nayrïr tamarux askinak churasin khithanukxäna.

Aymar Bibliia 1986

⁷ Maynïri chicat Manasés triburojj Moisesajj Basán chekanwa orakenac churjjatayna. Maynïri chicat Manasés triburojj Josué chachajj israelit jilanacapan orakenacap taypiruraquiw churäna, Jordán jawirat inti jalanta tokeru. Ucata Josué chachajj nayrïri tamarojja bendizjjäna, qhitanucjjaraquïna,

Qullan Arunaca

⁷ Maynïri chicat Manasés triburojj Moisesajj Basán chekanwa orakenac churjjatayna. Maynïri chicat Manasés triburojj Josué chachajj israelit jilanacapan orakenacap taypiruraquiw churäna, Jordán jawirat inti jalanta tokeru. Ucata Josué chachajj nayrïri tamarojja bendizjjäna, qhitanucjjaraquïna,

Josué 22:7 Jak'a apnaqawi uñst'ayäwi

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Números 32:33

Ukhamaw Moisesax Gad, Rubén ayllunkirinakaru, Manasesan chikat ayllupar uka uraqit churäna. Sihón sat amorreo reyin uraqinakapa, ukhamarak Og sat Basán reyin uraqipa, jupanakan markanakapampi, markanak muyuntir pampanakapampi.