Josué 22:6 - Qullan Arunaka DC

⁶ Uka qhipatsti, Josué chachax jupanakarux aski waxt'äwinak churasaw khithanukxäna, ukatsti jupanakax utanakaparuw sarxapxäna.

Aymar Bibliia 1986

⁶ Ucanac arsusajj Josué chachajj jupanacarojj bendizjjänwa, uqhamaraquiw qhitanucjjäna, ucatsti jupanacajj utanacaparuw cutjjapjjäna.

Qullan Arunaca

⁶ Ucanac arsusajj Josué chachajj jupanacarojj bendizjjänwa, uqhamaraquiw qhitanucjjäna, ucatsti jupanacajj utanacaparuw cutjjapjjäna.

Josué 22:6 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 47:10

Ukatsti Jacobux wali yäqañ arunak arsusaw faraonan ukat mistuwayxäna.

Génesis 47:7

Ukxarusti Joseax awkiparuw faraonan ukar uñt'ayir irpäna. Jacobusti wali yäqañ arunakampiw faraonarux aruntäna.

2 Samuel 6:18

uka wilañchanak luqtañ tukuyxasinsti, taqi ch'aman Tatitun sutipxaruw markpachatak aski arunak arsüna,

2 Samuel 6:19

ukatsti ukan tantachat israelit jaqinakarux, sapa mayni chacharu, warmiru, mä t'ant'kam lakiräna, dátiles achunakat lurat tortampi, waña uvanakat lurat tortampi. Uka qhipatsti taqiniw utanakaparkam kuttawayxapxäna.

2 Samuel 6:20

Davidasti utaparuw kuttawayxäna, wila masinakapar aski waxt'äwi arunak churañataki; ukampis Saúl reyin Mical phuchhapaw jupar jikxatir mistunïna, ukatsti sarakïnwa: —¡Israel markan reyipax jichhürux ukkha sumsa lurixä, jilïr jaqinakapan uywat warminakap nayraqatan jan p'inqan jaqir uñtatas tukuxä! —sasa.

1 Reyes 8:66

Uruyañ tukt'ayasasti, reyix markachirinakarux khithanukxänwa, ukatsti jupanakax reyir jach'añchawayasaw utanakapar wali kusisita sarxapxäna, Tatitun David luqtiripampiru, Israel markapampir aski luratap layku.

2 Crónicas 30:18

Ukatakisti Efraín, Manasés, Isacar, Zabulón ayllunkirinakat waljaniw jan q'umachasipkataynati, ukhamäkasasa Pascua manq'äwinkapxänwa. Ukampis Ezequiasax jupanakatakiw Tatitut mayïna akham sasa: “Khuyapayasir Tatay, taqi khitinakatix jumaru chiqa chuymampi thaqhapktam ukanakarux pampachamaya,

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 24:50

Ukatsti Jesusax Betania markakamaw jupanakarux irpäna, amparanakap luqtasaw jupanakarux uka chiqan aski waxt'äwip churarakïna.

Josué 14:13

Ukat Josué chachax Caleb chacharux askinak churäna, ukatsti jupampiru wawanakampirux Hebrón uraqi churxäna.

Josué 24:28

Ukatsti Josué chachax sapaqat mayniruw uraqinakaparkam khithanukxäna.

1 Samuel 10:25

Ukspachaw Samuelux kuna kamachinaktix reyix phuqhañapäki ukanak yatiyäna, qillqt'asinsti Tatitun qullan utaparuw imxäna. Ukatsti Samuelux taqpach jaqinakaruw utanakapar khithanukxäna.

1 Samuel 13:2

Saúl reyix israelita jaqinak taypit kimsa waranqa soldadonak ajllïna. Pä waranqa soldadonakasti jupamp chikaw Micmás, Betel qullunak tuqin qhiparäna, waranqa soldadonakasti Jonatanampi chikarakiw Guibeá chiqan Benjamín uraqin qhiparäna, ukat jilt'iri jaqinakarusti Saúl reyix utanakaparuw khithanukxäna.

1 Samuel 2:20

Ukatsti, Elí sacerdotex Elcanampiru, Anampirux aka aski arunak säna: “Niyakixay Samuel wawar Tatitur luqtañapatak katuyapxstaxa, Tatituy jumanakar walja wawanak apaypan” sasa. Uka qhipatsti utaparuw jupanakax kuttawayxapxäna,