Josué 22:5 - Qullan Arunaka DC

⁵ Ukampis jan armasipxamti, jumanakax taqi iyawsañ chuymampipuni Tatitun kamachiparusa, arsutanakaparusa phuqhapxam, kunjämtix Diosan luqtiripa Moisesax sapktam ukhamarjama, jumanakax Tatit Diosamarux taqi chuymamp munapxam, jupan chiqa thakhipanjam sarnaqapxam, arunakaparus jaysapxam, taqi munasiñ chuymampi, taqi amuyumpi arkasa jupar luqtapxam” sasa.

Aymar Bibliia 1986

⁵ Nayasti jumanacatjja aca mayipjjsma, ucasti jumanacajj take iyawsañ chuymampipuni Diosan camachiparu, leyiparusa phokhapjjam, cunjämtï Diosan sirvirip Moisesajj sapjjtam uqhama; jumanacajj Tatitu Diosamarojj take chuymampi munapjjam, uqhamaraqui jupan cheka thaquiparjam sarnakapjjam, arunacapa phokhasina, take munasiñ chuymampiraqui, uqhamarac take jacañanacampi arcapjjam” sasa.

Qullan Arunaca

⁵ Nayasti jumanacatjja aca mayipjjsma, ucasti jumanacajj take iyawsañ chuymampipuni Diosan camachiparu, leyiparusa phokhapjjam, cunjämtï Diosan sirvirip Moisesajj sapjjtam uqhama; jumanacajj Tatitu Diosamarojj take chuymampi munapjjam, uqhamaraqui jupan cheka thaquiparjam sarnakapjjam, arunacapa phokhasina, take munasiñ chuymampiraqui, uqhamarac take jacañanacampi arcapjjam” sasa.

Josué 22:5 Jak'a apnaqawi uñst'ayäwi

Salmos 106:3

Chiqa kankañar yäqirinakax kusisiñaniwa, chiqapar uñjirinakas kusisiñaniwa.

Salmos 78:7

Diosar taqpach chuymapampi iyawsapxañapataki, luräwinakap jan armapxañapataki; arsutanakap waqaychapxañapataki,

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 20:6

ukampis nayar munirinakaru, kamachi arunakaxar phuqhirinakarux wawanakapan wawanakaparuw khuyapt'ayta.

Éxodo 23:13

“Taqi aka kamachinak phuqhapxam, ukatsti janipun yaqha diosanakar yanap mayipxamti; sutipsa aytasipxamti.

Éxodo 23:25

Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Proverbios 4:23

Taqi kunanakat sipansa chuymam imam, jakañaman uka chuymat jutatap layku.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Mateo 22:37

Jesusasti juparux sänwa: —‘Tatit Diosamaruw munäta: taqi chuymamampi, taqi ajayumampi, taqi amuyumampi.’

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Lucas 1:74

uñisirinakasat qhispiyañataki, ukhamat jan axsaras jupar luqtañataki

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Juan 14:15

“Jumanakatix munapxchistaxa, kamachinakax phuqhapxam.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 27:23

Jichha arumax Diosan khithanit mä angelaw uñstitu, nayax uka Diosanktwa, jupan luqtiripätwa.

Romanos 1:9

Nayax kawkïr Diosarutix taqi chuymaxampi arkaskta, Yuqapan suma yatiyäwi arunakap qhanañchasa, jupax jumanakat amtasitax yatiwa,

Romanos 12:9

Maynit maynikamax chiqpach chuymampi munasipxam, ñanqha lurañ apanukupxam, ukatsti aski lurañar katuyasipxam.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Deuteronomio 11:1

Moisesasti saskakïnwa: “Jumanakax Tatit Diosamar munasipxam, ukatsti iwxanakapa, kamachinakapa, arsutanakapsa phuqhapxarakim.

Deuteronomio 11:13

“Jumanakatix jichha uruna churapksma uka kamachi arunakaru phuqhapxäta, ukatsti Tatit Diosamar munasipxäta, ukat taqi chuymampi, taqi jakañamampi yupaychapxarakïta ukkhaxa,

Deuteronomio 11:22

“Jumanakatix aka kamachi arunak suma amuyumpi phuqhapxäta, jichhürun sapksma ukhamarjam sarnaqapxarakïta, ukatsti suma chuymampirak Tatit Diosamar munapxäta, thakhipansa suma iyawsañamp arkapxäta ukkhaxa,

Deuteronomio 13:4

4 (5) Tatit Diosam saparukiw arkapxäta, jach'añchapxarakïta, kamachi arunakap phuqhapxam, arunakap ist'apxam, juparu yupaychapxam; jupamp chikt'atapun jakapxarakim.

Deuteronomio 4:29

Ukampis jumanakatix uka chiqan Tatit Diosamar taqi chuymampi, taqi jakañampirak thaqhapxäta ukaxa, jikxatapxätawa.

Deuteronomio 4:4

Ukampis jumanakat khitinakatix Tatit Diosamar taqi iyawsañampi arkapkta ukanakax jakasipktawa.

Deuteronomio 4:6

Uka kamachi arunak phuqhasaraki sarnaqapxam, ukhamat taqi markanakas yatini, jumanakan yatiñ kankañanïpxatama, suma amuyt'anïpxatama; kunapachatix uka kamachinakxat yatipkani ukkhasti, jupanakax sapxaniwa: ‘Kunja suma amuyt'an markas aka markaxa’ sasa.

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Deuteronomio 5:10

ukampisa munasiñampiw uñjarakta, khitinakatix nayar munasipkitu, kamachi arunakaxsa phuqhapkaraki jupanakan waranqa mita wawanakan saraqirinakaparusa.

Deuteronomio 6:17

Taqi chuymampirak Tatit Diosaman kamachi arunakap phuqhapxam, churapktam uka iwxanakapsa, kamachinakapsa phuqhapxarakim.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Josué 23:8

Tatitu Diosamarupun arkapxam, kunjämtix jichhakam arkasipkta ukhama.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

1 Samuel 12:20

Samuelusti jupanakarux sänwa: —Jan axsarapxamti. Chiqpachansa jumanakax sinti jan wal lurapxtaxa; ukampis jichhax Tatitut jan saraqapxamti, jan ukasti taqi chuymampi yupaychapxam.

1 Samuel 12:24

Jumanakax Tatiturukiw axsartapxañama, juparukiw chiqpach taqi chuymampi yupaychapxañama, jumanak layku muspharkañanak luratapata.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.