Josué 22:34 - Qullan Arunaka DC

³⁴ Rubén, Gad ayllunkirinakan wawanakapax uka altararux: “Amtasïwi” sasaw sutichapxäna, akham sasa: “Aka altarasti jiwasanakarux Diosax mä sapa Diosätapa amtayistani” sasa.

Aymar Bibliia 1986

³⁴ Rubén, uqhamaraqui Gad tribun wawanacapajj uca altararojj: “Amtasïwi” sasaw sutichapjjäna: “Aca altarajj jiwasaruw amtayistani, Diosajj mä sapa Diosätapa” sasa.

Qullan Arunaca

³⁴ Rubén, uqhamaraqui Gad tribun wawanacapajj uca altararojj: “Amtasïwi” sasaw sutichapjjäna: “Aca altarajj jiwasaruw amtayistani, Diosajj mä sapa Diosätapa” sasa.

Josué 22:34 Jak'a apnaqawi uñst'ayäwi

Génesis 31:47

Labanasti uka chiqarux arameo arupan “Jegar Sadutá” sutimpiw uchäna, Jacobusti hebreo arunxa “Galaad” sutimpiw ucharakïna.

Génesis 31:48

Ukat Labanax säna: —Jichhüruwa, aka qalanak qutucht'ataxa jiwas paninitak qhanañchirit sayt'i —sasa. Ukat uka chiqax Galaad sataxa.

1 Reyes 18:39

Ukham uñjasinsti, jaqinakax taqpachaniw p'iqip uraqir puriyañkam alt'asipxäna, akham sasa: —¡Israelan Tatitupaw chiqpach Diosaxa! ¡Jupaw chiqpach Diosaxa! —sasa.

Isaías 19:19

Egiptonsti uka urunxa Tatitur luqtat mä altaraw utjani, qurpanakap jak'ansti Tatitutakix mä qalarakiw sayt'ayatäni.

Isaías 43:10

Tatitusti siwa: “Nayan qhanañchirinakaxax jumanakäpxtawa, nayan luqtirinakaxas jumanakäpxaraktawa, nayar uñt'apxañamataki, alkatapxañamataki, khitïktix nayax uk amuyt'apxañamatakiw ajllisipxsma. Nayat nayrax janiw khiti diosas utjkänti, akat qhiparus janiw utjkarakiniti.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Josué 22:27

jan ukasti, nanakampita, jumanakampita, ukhamarak jiwasat saraqir wawanakat qhanañchirïñapatakiwa, ukhamat jiwasax mayacht'ata Tatitur luqtañasataki, jupa nayraqatan nakt'at waxt'äwinakasampi, jucha luräwinakata, sumankthapiñ wilañchanakasampi uñstañataki. Ukhamat jumanakat saraqir wawanakamax, nanakan wawanakaxar jan sapkaniti: “Janiw jumanakan kuna lurañamas Tatitumpix utjkiti” sasa.

Josué 24:27

ukatsti Israel markarux sarakïnwa: —Aka qalasti qhanañchirit uchatäniwa, aka qalaw taqi kuntix Tatitux siskistu uk ist'araki. Ukaw jumanakatak irkatirit sayt'ani, Tatitumar jan k'arintapxañamataki —sasa.