Josué 22:30 - Qullan Arunaka DC

³⁰ Kunapachatix Finees sacerdotempi, uka tunka jilïr jaqinakampix uk qhanañchir ist'apkäna ukkhaxa, “walikiw” sapxänwa.

Aymar Bibliia 1986

³⁰ Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.

Qullan Arunaca

³⁰ Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.

Josué 22:30 Jak'a apnaqawi uñst'ayäwi

Génesis 28:8

Ukhamat Esaux amuyasirakïna, awkipatakix Canaán uraqinkir warminakan jan walïtapa.

2 Crónicas 30:4

Uka amtäwisti reyitakisa, jaqinakatakis wakiskirïnwa,

Ester (hebreo) 1:21

Ukhamasti, Memucán sat chachan amuyt'äwipax reyitakisa, amuyt'ayir jilïr jaqinakapatakis walikïnwa. Ukat ukspachaw reyix mä kamachi mistuyäna.

Proverbios 15:1

Suma arumpi kutt'ayañax q'apisiñ chuyma llamp'uchi, jan wali arumpi kutt'ayañasti, q'apisiñ juk'amp naktayi.

Hechos 11:18

Jerusalenankir jilatanakasti ukanak ist'asin amukt'apxiwa, ukatsti Diosaruw yupaychapxi, muspharataw sapxaraki: —Ukhamax Diosax jan judiöpkis uka jaqinakan jupar kutikipstapxañap munaraki, ukhamat wiñay jakañanïpxañapataki —sasa.

Josué 22:29

Tatitutak sayt'añ amuyusa, jupat saraqañ amuyusa nanakat jayankpan, janiw Tatitu Diosasan altarapat yaqha altara lurañax wakiskiti; nakt'at waxt'äwinaka, wilañchanak luqtañataki. Tatitu Diosasan altarapax, jupampi Jikisiñ Carpa nayraqatankiwa.

Josué 22:31

Ukat Finees sacerdotex jupanakar säna: —Jichhasti yattanwa, Tatitun jiwasanak taypinkaskatapa; jumanakax janirakiw Tatitutak sayt'asiñ amtapkatätati, ukhamat jichhax Tatitun mutuyäwipat Israel markax qhispita uñjasi —sasa.

Josué 22:33

israelit jaqinakax “walikiw” sapxänwa, ukatsti Tatituruw yupaychxapxäna. Ukat uksarusti, jupanakax Rubén, Gad ayllunakar katuntañat janiw juk'ampsa parlkxapxänti, janirakiw uraqinakap tukjañatsa.

Jueces 8:3

Diosaw jumanakarux madianitanakan Oreb, Zeeb jilïrinakapar katuyapxtam. Kuntix jumanakax lurapkta ukax, nayan lurataxampi kikipt'ayasin, lurataxax janiw kunäkisa —sasa. Gedeonan arunakap ist'asinsti, Efraín ayllunkirinakax jupa tuqi q'apisitanakapxa apjtayasxapxänwa.

1 Samuel 29:6

Ukapachaw Aquís reyix Davidar jawsayäna, ukatsti sänwa: —¡Chiqpachansa, Tatitux jakaskiwa, jumasti chiqa jaqipunïtawa! Campamenton sarnaqatamasti chuymaxar purt'kiriwa. Jumax nayar uñjiri jutkta ukkhat jichhürkamax janiw kuna jan wali luratamsa jikxatkti. Ukampis filisteonakan jilïrinakapax janiw jumaru uñjañ munapktamti,