Josué 22:18 - Qullan Arunaka DC

¹⁸ ¿Kunat juk'ampsa munasipkakta, jichhas jumanakan Tatitut saraqtapxañamatakixa? Jumanakatix jichhüru Tatitutaki sayt'asipxäta ukaxa, qharürux jupax taqpach Israel markatakix q'apisirakiniwa.

Aymar Bibliia 1986

¹⁸ ¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

Qullan Arunaca

¹⁸ ¿Cunat juc'ampsa munasipcacta, jichhajj jumanacas Tatitutjja saraktapjjañamataquejja? Jumanacatejj jichhüru Dios contra sayt'asipjjätajja, kharürojj Tatitojj Israel marcataquejj colerasiraquiniwa.

Josué 22:18 Jak'a apnaqawi uñst'ayäwi

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

1 Reyes 9:6

Ukampis jumanakampi, wawanakamampitix nayat saraqapxitäta, churapksma uka kamachinakaxarusa, arsutanakaxarus jan phuqhapkäta, jan ukasti yaqha diosanakaruk luqtapxäta yupaychapxarakïta ukaxa,

2 Reyes 17:21

Israelarux Davidan saraqirinakapat jaljtayänwa, ukatsti israelitanakax Nabat chachan Jeroboam yuqaparuw reyit utt'ayasipxäna, uka reyisti israelitanakarux Tatitut saraqtayäna, kunayman jucha lurañanakaru puriyasa.

1 Crónicas 21:1

Supayax israelitanakatakiw sayt'asïna, ukaw Davidarux Israel markan jaqinakar jakthapiñ amtayäna.

1 Crónicas 21:14

Ukhamasti Tatitux Israel markarux mä jach'a usu apayanïna, ukatsti paqallq tunka waranq israelita jaqinakaw jiwaräna.

2 Crónicas 25:27

Amasías reyin Tatitut saraqatap qhipatsti, Jerusalén markan jupatakiw sayt'añ amtapxäna, jupasti Laquis sat chiqaruw jaltxäna; ukampis uka markakam arktasinwa ukan jupar jiwayapxäna.

2 Crónicas 34:33

Josías reyix israelitanakan taqpach uraqinakapat kuna axtkañ luräwinakatix utjkäna ukanak q'al chhaqtayäna, Israelan utjiri jaqinakaparusti Tatit Diosaparuw yupaychayarakïna. Jupan jakañapkamax janiw nayra awkinakapan Tatit Diosapat saraqapkänti.

Levítico 10:6

Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 32:15

Jumanakatix Tatitur jan arkañ munapkstaxa, jupax walja maranakampiw israelitanakarux wasaran sarnaqayani, ukatsti jumanakaw juchanïpxäta jupanakan t'unjat uñjasiñapataki —sasa.

Deuteronomio 7:4

Ukham lurapxasma ukkhasti, jupanakax wawanakamarux Tatitut armasiyapxaspa, yaqha diosanakaruw yupaychayapxarakispa. Ukatsti Tatitux jumanakatakiw q'apisispa, ukatsti jank'akiw t'unjapxiristam.

Josué 22:15

Galaad chiqaru purisinsti, jupanakarux sapxänwa:

Josué 22:16

—Nanakax Tatitun markapan sutipxaruw arsupxta. ¿Kunatarak jumanakasti Israelan Diosapar ch'uxña lurapxtasti? ¿Kunatarak Tatitur apanukupxta, yaqha altar lurasa jupataki sayt'asipxtasti?

Josué 22:20

Zérah chachan Acán sat wawapat amtasipxam, jupax kunatix t'unjañat katuyatäkän ukanak katuntasisaw juchachasïna, jupan juchap laykuw Tatitux Israel markpachatakix q'apisïna. ¡Janirakiw jupa sapakis juchap laykux jiwkänti! —sasa.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 7:11

Israelitanakax jucharuw puripxi, nayax jupanakampi lurkta uka arust'äwi p'akintapxi. Kunanakatix tukjatäñapäkan uka yänakat apasinipxi, jan wali lurasipkatap yatkasaw ukanak lunthatasipxi, ukatsti yänakap taypiruw imantapxaraki.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

1 Samuel 12:14

Jichhax jumanakaruw Tatitur yupaychapxañanakamax wakt'apxtam, arup ist'asa kamachinak phuqhasaraki, jumanakasa jan ukax jumanakar apnaqir reyisa Tatitun munañaparjama jakasina.

1 Samuel 12:20

Samuelusti jupanakarux sänwa: —Jan axsarapxamti. Chiqpachansa jumanakax sinti jan wal lurapxtaxa; ukampis jichhax Tatitut jan saraqapxamti, jan ukasti taqi chuymampi yupaychapxam.