Josué 21:44 - Qullan Arunaka DC

⁴⁴ Tatitux arsutaparuw phuqhäna, ukatsti israelitanakaru taqi uka uraqpachan sumankañ churäna. Uñisirinakapax janiw jupanakarux saykatirjamäkänti, Tatituw uka uñisirinakarux atipjäna.

Aymar Bibliia 1986

⁴⁴ Tatitojj Israel marcarojj samaraña apanïna, uqhamaraqui arsutapsa phokharaquïnwa. Janiraquiw cawquïri uñisirinacapas jupanac nayräjjan ch'amanïcänti; Diosaraquiw ucanacarojj atipjäna.

Qullan Arunaca

⁴⁴ Tatitojj Israel marcarojj samaraña apanïna, uqhamaraqui arsutapsa phokharaquïnwa. Janiraquiw cawquïri uñisirinacapas jupanac nayräjjan ch'amanïcänti; Diosaraquiw ucanacarojj atipjäna.

Josué 21:44 Jak'a apnaqawi uñst'ayäwi

2 Crónicas 13:16

Israelitanakasti Judá jaqinak nayraqatat jaltxapxänwa, Diosaw jupanakan amparaparux katuyxatayna uka layku.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Éxodo 33:14

Tatitusti ukxaruw säna: —Nayaw jumamp chika saraskä, janiw kunatsa llakiskätati —sasa.

Isaías 63:14

uywanakas pampar saraqapkaspa ukham lurir Diosasti?” Pachpa Tatitun Ajayupaw jupanakarux irpäna. Ukham markaparux irpäna, ukatsti wali jach'a kankañ jikxatarakïna.

Deuteronomio 2:36

Janiw kawkïri markas jiwasan amparanakasat jaltirjamäkänti; Tatit Diosasaw taqi aka markanak amparasar katuyistu, Arnón jawir thiyankir Aroer sat markat qalltasa, qhirwa chinqankir marka, Galaad uraqkama.

Deuteronomio 21:10

“Kunapachatix uñisirinakamamp nuwasir sarapxäta, ukatsti Diosamax uñisirinakamar atipjasin amparamar katuyapxätam,

Hebreos 4:9

Ukhamasti Diosan markapatakix mä qullan samarañaw utjaski;

Josué 1:13

—Tatitun luqtiripa Moisesan arunakapat amtasipxam: Tatitu Diosamax aka uraqi churasax samarañ jumanakarux churapxätam, sasa.

Josué 1:15

Tatitun jupanakaru samaraña churañapkama, kunjämtix jumanakar churapktam ukhama, kawkïr uraqtix Tatitux churkani uka uraqin jupanakankañapkama. Ukatsti jumanakax jawirat akkatanki uka uraqinakamaruw kuttanxapxäta, kawkharutix Tatitun luqtiripa Moisesax churapktam uka uraqi wiñayatak katuntasipxañamataki —sasa.

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 11:12

Uka pachparaki kawkïr markanakatix uka arust'äwiru mantañataki jaysapkatayna uka markanakarux luräna: markanakar katuntasax reyinakaparuw jiwarayäna, ukatsti q'alpun tukjäna, kunjämatix Tatitun luqtiripa Moisesax siskatayna ukhamarjama.

Josué 11:23

Ukhamaw Josué chachax taqi uka uraqinak katuntäna, kunjämtix Tatitux Moisesar siskatayna ukhamarjama. Ukatsti Israelan tunka payan ayllunakaparuw uka uraqinak jupanakan tutipäñapatak lakintäna. Uka qhipatsti samarañaw uka uraqinakan utjxäna.

Josué 11:8

Tatitusti israelitanakarux atipt'ayänwa, ukhamasti jupanakax Sidón, Misrefot-maim jach'a markanakkamaw arktasax jalxatapxäna, inti jalsu tuqit Mispá pampa chiqakama. Taqinipuniw jiwarapxäna.

Josué 2:24

Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Josué 22:4

Diosax arsutapar phuqhiwa, jilanakamas samarañ jikxatapxaraki, ukhamasti, utanakamar sarxapxam, kawkïr uraqtix Tatitun luqtiripa Moisesax Jordán jawirat inti jalsu tuqir churapktam uka uraqir kuttxapxam.

Josué 22:9

Ukhamaw Rubén, Gad ayllunkirinaka, ukhamarak Manasés ayllunkir chikat jaqinakapax Siló chiqan maynïr israelitanakat t'aqaqtawayxapxäna, Canaán uraqina, Galaad chiqankki uka uraqinakapar kuttxañataki, kawkhantix uraqinakapax utjäna uka chiqaru, kunjämtix Tatitux Moisés tuqi arskatayna ukhamarjama.

Josué 23:1

Walja maranakaw sarakipxäna, kunapachatix Diosax Israel markaru uñisirinakapat samarañ churäna ukatxa, Josué chachasti wali chuymanïxarakïnwa,