Josué 21:1 - Qullan Arunaka DC

^1-2 Levitanakan wila masinakapan jilïri irpirinakapax Canaán uraqinkir Siló chiqaruw sarapxäna, Eleazar sacerdotempi, Josué chachampi, Israelan ayllunakapankir jilïrinakapampi parlañataki. Ukansti jupanakarux sapxänwa: “Tatitux Moisés tuqiw arsüna, nanakan jakasiñanakaxatak markanak churañapataki, ukhamarak suma ch'iji uraqinaka uywanakaxa awatisiñataki” sasa.

Aymar Bibliia 1986

¹ Leví tribun wawanacapan jilïri jakenacapajj Silo sat chekaruw sarapjjäna, Canaán orakena, Eleazar sacerdotempi, Josué chachampi, uqhamaraqui Israelan jach'a jilïri jakenacapampi parliri,

Qullan Arunaca

¹ Leví tribun wawanacapan jilïri jakenacapajj Silo sat chekaruw sarapjjäna, Canaán orakena, Eleazar sacerdotempi, Josué chachampi, uqhamaraqui Israelan jach'a jilïri jakenacapampi parliri,

Josué 21:1 Jak'a apnaqawi uñst'ayäwi

Génesis 49:7

¡Q'apisiñapax ñanqhachatäpan! ¡Qhuruchasiñapas ñanqhachatäpan! ¡Nayaw jupanakarux taqi Israel uraqpachar anatatä!

Éxodo 6:14

Israelita wila masinakan jilïrinakapax akanakänwa: Israelan Rubén jilïr wawapan wawanakapa: Hanoc, Falú, Hesrón, Carmí, jupanakasti Rubenan ayllupankirïpxänwa.

Éxodo 6:25

Aaronan Eleazar yuqapasti, Futiel sat chachan maynïr phuchhapampiw jaqichasïna, jupanakan wawapasti Finees satänwa. Jupanakasti levitanakat saraqirinakan jilïrinakapawa, wila masitkama.

Números 35:1

Israel markax Moab uraqi pampanakan jikxataskäna, Jordán jawira jak'ana, Jericó marka uñkatasina, ukapachaw Tatitux Moisesar parläna, akham sasa:

Números 35:8

Israelitanakan uraqipat levitanakatak markanak churapkäta ukkhaxa, sapaqat ayllunakaw churani qawqhatix wakt'katayna ukhamarjama: Jilpach uraqinakan ayllunakaxa, jilpach markanak churani; juk'a uraqinakan ayllunakasti, juk'a markanakak churarakini.”

Josué 14:1

Eleazar sacerdotempi, Nun chachan Josué yuqapampix, wila masi tamanakan jilïrinakapamp chikaw israelitanakarux cananeo uraqinak lakintapxäna, Jordán jawirat inti jalanta tuqina.

Josué 17:4

Uka imill wawanakasti Eleazar profetan ukaru, Josué chachan ukaru, markan jilïri jaqinakapan ukaruw sarapxäna, jupanakarusti sapxänwa: “Tatitux Moisesaruw sawayäna wila masinakaxaru, ukhamarak nanakar uraq churañapataki” sasa. Josué chachasti jupanakan mayitaparux uraqinak churäna, wila masinakap taypina, kunjämtix Tatitux siskatayna ukhamarjam phuqhasa.

Josué 19:51

Taqi uka uraqinak Eleazar sacerdotempi, Josué chachampi, markan jilïr jaqinakapampix Siló chiqan suertetkam israelitanakan ayllunakaparux churäna, Dios nayraqatana, Tatitump Jikisiñ Carpa mantañana. Ukhamaw uraqinak lakinuqañax tukuyatäxäna.