Josué 2:4 - Qullan Arunaka DC

⁴ Ukampis Rahab warmix uka pani chachanakar imantänwa, ukatsti sarakïnwa: —Chiqaw ukaxa, pani chachanakaw utaxar sart'anitu, ukampis janiw nayax kawkinkirïtapsa yatkti.

Aymar Bibliia 1986

⁴ Ucampis Rahab warmejj uca pani jakenacarojj utapanjj mä jan uñjcañawjaruw imantatayna, ucatsti saraquïnwa: —Chekpachaw pani chachanacajj utajjaru purinipjje, ucatjja janiraquiw nayajj yatcäyätti cawquit jutapjjatapsa;

Qullan Arunaca

⁴ Ucampis Rahab warmejj uca pani jakenacarojj utapanjj mä jan uñjcañawjaruw imantatayna, ucatsti saraquïnwa: —Chekpachaw pani chachanacajj utajjaru purinipjje, ucatjja janiraquiw nayajj yatcäyätti cawquit jutapjjatapsa;

Josué 2:4 Jak'a apnaqawi uñst'ayäwi

2 Reyes 6:19

Eliseosti jupanakar sänwa: —Janiw thakhix akäkiti, janirakiw thaqhapkta uka markäkisa. Nayar arkapxita, nayaw irpapxäma thaqhapktas uka chachan ukaru —sasa. Jupasti Samaria markaruw uka jaqinakar irpäna.

Éxodo 1:19

Uka pani warminakasti reyirux sapxänwa: —Israelita warminakax janiw egipcio warminakjamäkiti; jupanakax wali ch'aman warminakäpxiwa, nanakax usuyir janïr puripkta ukkhax niyaw jupanakax ususxapxi —sasa.

Santiago 2:25

Rahab sat jan wali sarnaqir warmimpix uka pachparakiw lurasïna; Diosax luratanakap uñjasaw askit katuqäna. Uka warmisti khithatanakarux utaparuw qurpachäna, ukatsti yaqha thakhinjam sarxañapatakiw yanapt'arakïna.

Josué 2:3

Ukat reyix Rahab warmin ukar khithäna akham sañapataki: —Utamankki uka chachanakax mistunipxpan, jupanakax uñaqanakäpxiwa —sasa.

Josué 2:5

Niya ch'amakthapki, markan punkunakap janïr jist'antapkipan sarxapxi, janirakiw kawkir sarapxatapsa yatkti. Ukampis jumanakatix arktapxasmaxa inas jikxatapxchisma —sasa.

Josué 6:17

Aka markampi, kunanakatix ukan utjki ukanakamppachax q'ala tukjatäniwa, Tatituw ukham lurasiñapatak arsu uka layku. Ukampis Rahab jan wali sarnaqir warmimpiru, utapan imantasitäpkani ukanakarukiw jakañapax qhispiyatäni, khitkäyätan uka uñaqir chachanakar jupan imantatap layku.

Josué 6:25

Josué chachax Rahab warmimpiru, wila masinakapampirukiw jakañap qhispiyäna, jupaw kawkïr uñaqirinaktix Josué chachax Jericó markar khitkatayna uka pani chachanakar imantäna uka layku. Ukat Rahab warmin saraqiri wawanakapax jichhürkama israelitanak taypin jakasipki.