Josué 2:19 - Qullan Arunaka DC

¹⁹ Jupanakat maynitix utamat anqar mistuni ukasti jiwaniwa; nanakax janiw uka jiwatapat juchanïpkäti, ukampis maynitix utamankaskirir jiwayañ munanixa, juchax nanakxankaniwa.

Aymar Bibliia 1986

¹⁹ Uta mankhanquirit cawquïritï ankaru mistuni ucasti jupa pachpaw jiwascani, janiw nanacati juchanïpcäjja. Ucatsti cawquïritejj uta mankhancascani ucar jiwayañ munapjjanejja, nanacaw jupatjja arjjatapjjä.

Qullan Arunaca

¹⁹ Uta mankhanquirit cawquïritï ankaru mistuni ucasti jupa pachpaw jiwascani, janiw nanacati juchanïpcäjja. Ucatsti cawquïritejj uta mankhancascani ucar jiwayañ munapjjanejja, nanacaw jupatjja arjjatapjjä.

Josué 2:19 Jak'a apnaqawi uñst'ayäwi

2 Samuel 1:16

Davidasti sarakïnwa: —Juma pachpaw jiwañamatak juchanïsktaxa, juma pachparakiw Tatitun ajllit reyipar jiwayatamsa arsusisktaxa —sasa.

2 Samuel 4:11

¡Jichhax ukat sipan juk'ampi juma ñanqha lurir jaqinakarux mutuyapxäma, mä jan juchan jaqir pachpa ikiñapan ikiskirir jiwayapxatamata! Ukhamasti, ¡jichhax nayaw uka jaqin jiwatapat jumanakarux jucham uñt'asiyapxäma! ¡Aka uraqit jan mayan chhaqtayapxarakïma! —sasa.

1 Reyes 2:32

Tatituw jiwatapat jupa pachpar juchañchaskani, pä aski chiqa chachanakar cuchillompi chhuqhuntas jiwayatapata, uksti janiw David awkixax yatkänti. Ner jaqin Abner yuqaparuw jiwayi, jupasti israelita ejerciton jilïripänwa, Jéter chachan Amasá yuqaparux jiwayarakiwa, jupasti Judá ejerciton jilïripänwa.

Éxodo 12:13

“ ‘Ukampis juma israelitanakax janiw axsarapxañamäkiti; punkunakar wilampi jawsupkäta ukaw nayatak mä chimpüni. Nayasti uñjasinxa, sarakipawayxakïwa, janiw jilïr wawanakamarux kamachkäsa,

Éxodo 12:22

Mä lamanaruw wila katuqapxäta, ukatsti hisopo sat alinak picht'asin ukampiw wilar chilltas uta punku marcor jawsupxäta. Janiw maynis qhipürkam utat mistupxätati.

Éxodo 12:23

Tatitux egipcionakar jiwarayir sarakipkani ukapachasti, uta punkun wila uñjasinxa, uka uta sarakipawayxakiniwa, Tatitux janiw jumanakat maynin jiwañapsa munkaniti.

Levítico 20:11

“Maynitix awkipan warmipar warmischi ukasti, awkiparuw ñanqhachaski. Uka layku, chachamppacha, warmimppach jiwayatäñatak juchañchatäñapawa, ukhamarus jupanakpachaw jiwatapat juchanïsipkani.

Levítico 20:9

“Khititix awkiparu, taykaparu ñanqhachani ukax jiwayatäñatak juchañchatäniwa.

Mateo 24:17

uta patankiristi, yänakap apsusirix jan saraqanpati;

Hechos 18:6

Ukampis judionakax Pablotakiw sayt'asipxäna, kunayman arunakampiw tuqipxarakïna. Ukat Pablox isinakap thalarasis jupanakar säna: —Jumanakaw juchanïsipkäta, wiñay jiwañar mantaskañataki; janiw nayax juchanïkti. Jichhürut uksarux jan judiöpkis uka jaqinakar yatiyiriw sarxä —sasa.

Hechos 20:26

Ukat jichhürux jumanakar sapxsma, jumanakat maynitix chhaqhañar saraskanixa, janiw nayar juchañchkitaspati,

Hechos 27:31

Ukampis Pablox jupanakan amtäwinakap amuyasin capitanapampiru, soldadonakampiruw yatiyäna: —Aka barco apnaqirinakatix sarxanixa, jumanakax janiw qhispipkasmati —sasa.

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Josué 2:12

Ukat jichhax jumanakar mayipxsma, akawjanpach Tatitun sutipxar juramento lurapxañamataki, wila masinakaxar khuyapayasiñampi uñjapxañamataki, kamisatix nayax jumanakat khuyapayaskta ukhama. Jumanakan chiqa chuymanïpxatam uñacht'ayapxita,

Josué 2:14

Jupanakasti sapxänwa: —Jumatix nanakan jutataxa jan khitirus yatiykäta ukaxa, nanakax pachpa jakañanakaxampiw jumanakat sayt'apxä. Kunapachatix Tatitux aka uraq churapkitan ukkhaxa, nanakasti jumatxa khuyapt'ayasipxämawa, arsutanakaxsa janiw mayjaptayapkäti.

Josué 2:20

Jumatix aka tuqit arsüta ukaxa, nanakax janiw juramentompi arsupkta uk phuqhapkäti.