Josué 2:1 - Qullan Arunaka DC

¹ Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Aymar Bibliia 1986

¹ Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Qullan Arunaca

¹ Josué chachasti Sitim chekatjja pä jakenacaruw jan qhitinsa uñjcata qhitäna aqham sasa: “Sarapjjam, uñjanipjjaraquim cunjamätaynas uca orakejja uqhamaraqui Jericó marcasa” sasa. Uqhamaw jupanacajj Jericó marcaru puripjjäna mä jan wali sarnaquir warmin utaparu, jupasti Rahab sutinïnwa, ucanaracwa uca arumajj jupanacajj korpachasipjjäna.

Josué 2:1 Jak'a apnaqawi uñst'ayäwi

Génesis 42:16

Jumanakax sapkta ukax chiqati janicha uk yatiñäni: jumanakat mayni khithapxam sullka jilamar irptiri, mayninakasti katuntataw akankapxäta. Jilamarutix jan puriyanipkani ukaxa, jumanakax uñaqanakäsipkapuntawa. ¡Faraonan sutipxaruw juramentompi sapxsma! —sasa.

Génesis 42:9

Ukat Joseax kuna samkanaktix jupanakxat samkasirïkäna ukanak amtasïna, ukat jupanakar sarakïna: —Jumanakax uñaqanakäpxtawa, kawkhatcha markarux aynacht'ayañjamäski uk uñaqiriw jutapxtaxa —sasa.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 13:1

Tatitux Moisesar sänwa:

Números 13:2

“Mä qawqha jaqinak Canaán uraqir khitham, kawkïr uraqtix nayax israelitanakar churkä uka uraq uñaqanipxañapataki. Sapa ayllut mayni jilïripar khitham” sasa.

Números 25:1

Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,

Números 33:49

Jupanakax Jordán jawira irananakan utjnuqtasipxäna, Bet-jesimot chiqawjata, Abel-sitim sat chiqakama, Moab uraqi pampanakana.

Mateo 1:5

Salmonax Boozan awkipänwa, taykapax Rahab satänwa. Boozasti Obedan awkipänwa, taykapax Rut satänwa; Obedax Jesen awkipänwa.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Efesios 5:5

Jumanakax yatipxam, janiw wachuq juchanakan sarnaqirisa, ñanqhanak luririsa, mich'asirisa, Cristompina, Diosampin qhapaq markapar mantapkaspati. Ukasti yaqha diosanakar yupaychañampi sasiwa.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Santiago 2:25

Rahab sat jan wali sarnaqir warmimpix uka pachparakiw lurasïna; Diosax luratanakap uñjasaw askit katuqäna. Uka warmisti khithatanakarux utaparuw qurpachäna, ukatsti yaqha thakhinjam sarxañapatakiw yanapt'arakïna.

Josué 1:18

Khiti jaqitix arunakamar jan ist'kani ukax jiwaniwa. Nanakax ch'amampi, chiqa chuymampi sayt'asiñamak munapxta —sasa.

Josué 2:2

Ukampis mayni jaqiw Jericó markan reyiparux uk yatiyäna akham sasa: —Israelit jaqinakaw jichha arumax markasar uñaqir mantanipxi —sasa.

Josué 21:31

Helcat, Rehob markanaka, uywa awatiñ uraqinakapamppacha.

Josué 3:1

Qhipürusti, Josué chachampi, taqpach israelitanakampix Sitim sat chiqat wali willjtaw mistuwayapxäna, ukatsti Jordán jawir chiqaruw puripxäna; janïr makhatkasasti ukawjaruw utjnuqtapxäna.

Josué 5:10

Israelitanakax Guilgal chiqaruw utjnuqtapxäna, ukatsti phaxsit tunka pusin uru saraqataruw jupanakax Jericó pampanakan Pascua uruyapxäna.

Jueces 18:14

Ukhamasti Lais uraqi uñaqiri sarapki uka phisqa chachanakax, masinakaparuw sapxäna: —¿Yatipxtati? Aka utanxa efod sat isimpi, wila masinakan diosanakapampiw utji, qullqimpi jawikipat suma lurat idolow utji. ¿Kun lurañsa amuyapxtaxa? —sasa.

Jueces 18:17

Uka phisqa uñaqanakax nayraqat utar mantasin, suma lurata qullqimpi jawikipat ídolo, ukhamaraki efod isimpi, wila masinakan diosanakapampi apsupxäna, ukchañkamasti sacerdotex uta punkun suxta patak soldadonakampïskänwa.

Jueces 18:2

Ukat Dan ayllunkirinakax Sorá, Estaol chiqanakat phisqa jan axsarir jaqinak uraq uñaqanipxañapatak khithapxäna. Uka phisqa uñaqanakax Efraín qullunakaruw sarapxäna, ukatsti Micaías chachan utaparuw puripxäna, ukan uka arumax qurpachasipxäna.