Josué 19:51 - Qullan Arunaka DC

⁵¹ Taqi uka uraqinak Eleazar sacerdotempi, Josué chachampi, markan jilïr jaqinakapampix Siló chiqan suertetkam israelitanakan ayllunakaparux churäna, Dios nayraqatana, Tatitump Jikisiñ Carpa mantañana. Ukhamaw uraqinak lakinuqañax tukuyatäxäna.

Aymar Bibliia 1986

⁵¹ Take aca orakenacwa Eleazar sacerdotempi, Josué chachampi, uqhamaraqui Israelan jach'a jilïri jakenacampejj uca tunca payan Israelan tribunacaparojj churapjjäna, Dios nayräjjana, uqhamaraqui cawqhantï Tatitump Jiquisiñ Carpajj luratäcäna uca Silo sat chekana. Uqhamaw orakenacajj takeniru churatäna.

Qullan Arunaca

⁵¹ Take aca orakenacwa Eleazar sacerdotempi, Josué chachampi, uqhamaraqui Israelan jach'a jilïri jakenacampejj uca tunca payan Israelan tribunacaparojj churapjjäna, Dios nayräjjana, uqhamaraqui cawqhantï Tatitump Jiquisiñ Carpajj luratäcäna uca Silo sat chekana. Uqhamaw orakenacajj takeniru churatäna.

Josué 19:51 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 78:60

ukat Siló chiqan utjäwip jaytanukxäna, jaqinak taypin qullan utjäwip apanukxäna.

Mateo 20:23

Jesusasti jupanakarux sarakïnwa: —Chiqpachansa jumanakax umt'apxätawa, ukampis kupïxaxaru, jan ukax, ch'iqäxaxar qunt'añxa, janiw nayan churañax wakt'kituti, jan ukasti, khitinakatakitix Awkixax wakiyki ukanakarukiw churasini —sasa.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Hechos 13:19

Ukatsti jupax Canaán uraqin paqallqu jach'a markanak t'unjäna, uka uraqinak jiwasan awkinakasar churañataki.

Josué 14:1

Eleazar sacerdotempi, Nun chachan Josué yuqapampix, wila masi tamanakan jilïrinakapamp chikaw israelitanakarux cananeo uraqinak lakintapxäna, Jordán jawirat inti jalanta tuqina.

Josué 18:1

Israel markax taqiniw Siló chiqan tantachasipxäna, uka chiqan Tatitump Jikisiñ Carpa sayt'ayañataki, ukapachatakix uraqix niyaw katuntatäxäna,

Josué 18:10

Ukatsti Josué chachax, Siló chiqan israelitanakarux Tatit nayraqatan uka uraqinak lakinuqäna, suertetkam wakt'ayasa.

Josué 20:1

Tatitux Josué chacharux sänwa:

Jueces 21:19

Ukampisa, Tatitun kusisiñ urupax niyaw jak'anki, ukasti Siló chiqan sapa maraw uruyasi, Betel markat amsta tuqina, Siquem chiqat Betel markar sarki uka thakhit inti jalsu tuqina, Leboná markat aynach tuqina” sasa.

Jueces 21:21

ukat ukan suyt'apxam. Kunapachatix Siló markankir tawaqunakax tam tama thuqt'asisa mistunipkani ukkhaxa, jumanakax uva yapunakat mistunisin sapa mayniw mä tawaqu lunthatapxäta, ukatsti uraqinakamaruw sarxapxäta.

1 Samuel 1:3

Elcaná chachasti sapa maraw wila masinakapamp chika Siló chiqar sarirïna, taqi ch'aman Tatitur yupaychiri, ukhamarak wilañchanak luqtiri. Uka markansti, Elí sat sacerdoten Hofní, Finees, uka pani yuqapaw ukankapxäna, jupanakasti Tatitun sacerdotenakaparakïnwa.