Josué 18:16 - Qullan Arunaka DC

¹⁶ ukatsti qullu aynachkamaw saraqäna, Refaim qhirwat amsta tuqiru, kawkintix Ben-hinom qhirwax qalltki ukkhana. Ukatsti uka qhirwanjam saraqaskakïna, Jebús chiqat aynach tuqina, En-roguel sat uma jalsukama.

Aymar Bibliia 1986

¹⁶ Ucatsti saracascaquïnwa mä kollun tucuyapcama cawquïritï Ben-hinom valle uñcatasincqui ucacama, Refaim vallenac amsta tokecama. Ucatsti Hinom valleruw sarakäna, uca chekatsti Jebús sat irananjam aynachäjjaruw pasawayäna, ucat En-rogel uma phuch'ur puriñcama.

Qullan Arunaca

¹⁶ Ucatsti saracascaquïnwa mä kollun tucuyapcama cawquïritï Ben-hinom valle uñcatasincqui ucacama, Refaim vallenac amsta tokecama. Ucatsti Hinom valleruw sarakäna, uca chekatsti Jebús sat irananjam aynachäjjaruw pasawayäna, ucat En-rogel uma phuch'ur puriñcama.

Josué 18:16 Jak'a apnaqawi uñst'ayäwi

2 Samuel 17:17

Ukchañkamasti, Jonatán, Ahimaas sacerdotenakax Roguel uma jalsu chiqan suyasipkäna, jupanakax janiw khitimpis markar mantir uñjayasiñ munapkänti, mä uywat tawaquw jupanakar yatiyir saratayna, ukatsti jupanakax jank'akiw David reyir yatiyir mistupxarakïna.

2 Samuel 5:18

Filisteonakasti sarantasipkakïnwa, ukatsti Refaim sat qhirwa katuntapxäna.

1 Reyes 1:9

Mä urusti, Adoniasax mä jach'a manq'äwi wakichäna Zohélet sat qarqa jak'aru, ukasti Roguel sat uma jalsu jak'ankiwa. Uka manq'äwitakisti ovejanaka, urqu vacanaka, lik'i vaca qallunak kharirayäna, ukatsti taqi jilanakaparu, reyin wawanakaparu, Judá uraqinkir reyin taqi luqtirinakaparuw jawsayäna;

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

1 Crónicas 14:9

Ukhamasti filisteonakax Refaim qhirwa chiqnäm jutantapxäna.

2 Crónicas 28:3

Ben-hinom qhirwan incienso nakhayäna, wawanakaparusti wilañcha luqtasin nakhantayäna, kawkïr markanakarutix Tatitux israelitanak nayraqatat jaqunukkatayna ukanakan axtkañ luräwinakap lurasa.

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Jeremías 19:11

ukatsti sarakim: ‘Taqi ch'aman Tatitux akham siwa: Aka markampiru, markachirinakapampirux jisk'a jisk'a tukjarakï, kunjämatix mä jaqix uma wayucha jisk'a jisk'a t'unjki ukhama, uka wayuchsti janiw khitis askichkxaspati. Jaqinakasti jiwatanakapxa Tófet sata chiqan imasipxani, jan juk'ampi yaqha chiqax imañatak utjkxatap layku.

Jeremías 19:2

Ukatsti Ben-hinom satäkis uka qhirwar saram, Jik'illita Punku sata uka uñkatasiru, ukansti kuna arunaktix nayax siskäma uka arunak yatiyam.

Jeremías 19:6

Ukat jichhax aka chiqax jan juk'ampi Tófet satäkxaniti, janirakiw Ben-hinom satäkxanisa, jan ukasti, Jiwarayañ Qhirwa satäxaniwa. Naya, Tatituw uk arsta.

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Josué 15:63

Ukampis Judá ayllut saraqir wawanakax janiw Jerusalén markan jakapkän uka jebuseo jaqinakarux jaqunukurjamäpkänti, ukat jebuseo jaqinakax Jerusalén markan jichhürkam jakasipki, Judá ayllut saraqir wawanakapamp chika.

Josué 18:28

Selá, Élef, Guibeá, Quiriat, Jebús marka, qhiparusti Jerusalén sutimpi uñt'ata. Taqpachax tunka pusin markanakänwa, jisk'a markanakapamppacha. Uka uraqinakaw Benjamín ayllunkir wila masi tamanakaparux wakt'äna.

Jueces 1:21

Benjamín ayllunkirinakasti, janiw Jerusalén markata ukan jakiri jebuseo jaqinakarux alisnukurjamäpkänti. Ukat jichhürkama jebuseonakampi, Benjamín ayllunkirinakampix Jerusalén markan jakasisipki.

Jueces 1:8

Judá ayllunkirinakax Jerusalén markar chhukt'asin katuntasipxäna, ukatsti taqpach jaqinakapar espadampkam jiwarayasasti, ninampiw uka marka phichhantapxäna.

Jueces 19:10

Ukampis levitax janiw uka arumampi qhiparañ munkxänti, jan ukasti uñt'atapampi, uywatapampiw sarawayxäna, ukhamaraki pä karunt'at asnopampi. Kunapachatix Jebús sat Jerusalén markar jak'achasipkän ukkhasti,