Josué 18:12 - Qullan Arunaka DC

¹² Uka uraqin qurpapax amsta tuqit Jordán jawirat qalltäna, ukatsti Jericó marka amsta tuqi makhatäna, ukatsti inti jalanta tuqiruw saraskakïna qullu tuqinjama, Bet-avén sat wasarkama.

Aymar Bibliia 1986

¹² Uca oraken korpapajj amsta chekata kalltanïna Jordán jawir toketa, Jericó marca amsta toke pasäna, uqhamaraquiw sarascaquïna kollu tokenjama inti jalanta tokeru, ucat Bet-avén sat wasararu tucuyañataqui.

Qullan Arunaca

¹² Uca oraken korpapajj amsta chekata kalltanïna Jordán jawir toketa, Jericó marca amsta toke pasäna, uqhamaraquiw sarascaquïna kollu tokenjama inti jalanta tokeru, ucat Bet-avén sat wasararu tucuyañataqui.

Josué 18:12 Jak'a apnaqawi uñst'ayäwi

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Josué 16:1

Kawkïr uraqinaktix Josean wawanakapar suertetkam wakt'kän ukanakaxa, Jordán jawirat inti jalsu tuqit qalltäna, Jericó uma jalsu ukawjata, uka chiqatsti wasaranjam sarasin Jericó markata Betel markakam purki uka qullunakkama.

Josué 18:11

Niyaki suerte jaqtatatsti, Benjamín ayllun wila masi tamanakapatakix, uraqinakax Judá, José ayllunakan uraqinakap taypiruw wakt'äna.

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 6:1

Jericó markarux janiw khitis mantkänti, janirakiw mistkänsa. Uka markan punkunakapax israelitanakar axsarasax jist'antatänwa.

Josué 7:2

Josué chachax Jericó markatpach Ai chiqar mä chachanak khithäna, uraqi uñaqanipxañapataki, uka markasti Betel chiqat inti jalsu tuqinkänwa Bet-avén jak'ana. Jupanakas sarasax Ai marka uñaqanipxäna,

Josué 8:15

Josué chachampi jaqinakapampisti atipjata uñjasipkaspas ukhamaw wasar tuqir sarki uka thakhinjam jaltxapxäna.

1 Samuel 13:5

Mä tuqitsti, filisteonakax israelitanakampi nuwasiñatakix tantachasipxarakïnwa. Jupanakansti kimsa tunk waranqa nuwasiñ carronaka, suxta waranqa caballería soldadonakaw utjäna, kayuk sarantir soldadonakas quta ch'allar uñtat jan jakt'kayarakïnwa. Ukatsti Micmás chiqar sarasax Bet-avén sat inti jalsu tuqiruw campamentop wakicht'asipxäna.