Josué 17:18 - Qullan Arunaka DC

¹⁸ jan ukasti, uka ch'umintat qullunakax jumanakankarakiniwa, jumanakax uka ch'uminak katuntasipxäta. Cananeo jaqinakarusti jumanakax uka chiqat jaqunukupxäta, qawqha ch'amanïsipkpansa, hierrot lurat carronakanïsipkpansa —sasa.

Aymar Bibliia 1986

¹⁸ jan ucasti uca ch'umi kollunacajj jumanacancaraquiniwa; jumanacajj uca ch'uminac catuntasipjjäta. Uca cananeo jakenacarusa, jumanacaraquiw jakonucupjjäta uca chekatjja, kawkha ch'amanïpjjpansa, uqhamaraqui hierrot lurat carronacanïpjjpansa —sasa.

Qullan Arunaca

¹⁸ jan ucasti uca ch'umi kollunacajj jumanacancaraquiniwa; jumanacajj uca ch'uminac catuntasipjjäta. Uca cananeo jakenacarusa, jumanacaraquiw jakonucupjjäta uca chekatjja, kawkha ch'amanïpjjpansa, uqhamaraqui hierrot lurat carronacanïpjjpansa —sasa.

Josué 17:18 Jak'a apnaqawi uñst'ayäwi

Génesis 49:24

ukampis jumax wali ch'aman amparanakanïtawa, mich'inak antutañsa sum katxäsiraktaxa. ¡Taqi ch'amani Diosax yuspagaratäpan! ¡Awatirin sutiparu, Israelar uñjiriru yuspagaratäpan!

2 Samuel 18:6

Ukhamaw tamanakax pampa tuqir sarantapxäna Israelan soldadonakapamp nuwantasiñataki. Efrainan ch'uminakapan purapat nuwasiñax utjäna,

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Romanos 8:37

Taqi akanakansti atipjirinakat sipansa juk'amp atipjirinakätanwa, khititix jiwasar munkistu jupa tuqi.

Deuteronomio 33:17

Efraín, Manasés wawanakaman jaqinakapaxa, jach'a ch'amanïpxiwa, urqu vacanakar uñtata, bufalonakar uñtata. Lanzanakapampiw t'unjapxani uraq tukusinkir uñisirinakaparusa” sasa.

Hebreos 13:6

Ukhamasti taqi iyawsañampi arsuñasawa: “Tatituw yanapt'irixaxa; janiw axsarkäti. ¿Jaqisti kunarak kamachitanisti?” sasa.

Josué 13:6

Naya Diosaw israelitanakan nayräxapat sidonio jaqinakarux jaqunukü, ukhamarak qullunakan jakapki ukanakarusa, Líbano chiqat qalltasa Misrefot-maim chiqakama. Jumasti jichhax israelitanakar uka uraqinak churañar uchasim, kunjämtix nayax sisksma ukhamar phuqhasa.

Josué 15:9

qullu patanjam muytanïna Neftóah uma jalsukama, ukatsti Efrón qullunakankir markanak chiqa saraskakïna, Quiriat-jearim chiqa sarakipasa.

Josué 17:17

Josué chachasti Joseat saraqir wawanakapa Efraín, Manasés ayllunkirinakarux sänwa: —Jumanakax waljanïpxtawa, wali ch'amanïpxaraktawa, janiw jumanakarux mä t'aqa uraqiki wakt'apkätamti,

Josué 20:7

Ukhamasti israelitanakax imantasiñatakix aknïr markanak ajllipxäna: Quedes marka, Galilea uraqina, Neftalí ayllun qullunakapana. Siquem marka, Efraín ayllun qullunakapana. Hebrón marka, Judá ayllun qullunakapana.

1 Samuel 1:1

Efraín qullunak taypin Ramá sat chiqan mä chachaw jakäna, sutipasti Elcaná satänwa. Achachilanakapax Jeroham, Elihú, Tohu, Suf satäpxänwa. Jupanakasti Efraín wila masit jutirïpxänwa.