Josué 17:16 - Qullan Arunaka DC

¹⁶ Jupanakasti sapxänwa: —Chiqpachansa uka qullunakax nanakatakix wali pisiwa. Ukampis pampan jakapki uka cananeo jaqinakan carronakapax hierrot luratawa, Bet-seán markana, jisk'a markanakapampin jakir jaqinakanjama, ukhamarak Jezreel qhirwan jakapki ukanakansa —sasa.

Aymar Bibliia 1986

¹⁶ Jupanacasti sapjjaraquïnwa: —Chekpachansa nanacataquejj aca tribun kollunacapajj wali pisiwa. Ucampis pampanacan jaquir cananeo jakenacan carronacapajj hierrot luratäpjjewa, quipca Bet-seán marcan jaquir jakenacjama, uqhamaraqui vallen jaquir Jezreel jakenacasa —sasa.

Qullan Arunaca

¹⁶ Jupanacasti sapjjaraquïnwa: —Chekpachansa nanacataquejj aca tribun kollunacapajj wali pisiwa. Ucampis pampanacan jaquir cananeo jakenacan carronacapajj hierrot luratäpjjewa, quipca Bet-seán marcan jaquir jakenacjama, uqhamaraqui vallen jaquir Jezreel jakenacasa —sasa.

Josué 17:16 Jak'a apnaqawi uñst'ayäwi

1 Reyes 18:45

Ahab reyisti carropar makhatasin jank'akiw Jezreel marka tuqir sarxäna. Ukchañkamasti alaxpachax mäkiw qinayanakampi, thayampi apthaptas ch'amakt'äna, ukatsti, walpun jallux purintäna.

1 Reyes 18:46

Eliasasti patxa isip sum chint'asisin Jezreel marka uñtataw jalarakïna, jupasti Ahab reyit sipan nayraqat purïna, Tatitun jupar ch'am churatap layku.

1 Reyes 21:1

Jezreel markan mä chachaw jakasïna Nabot sutini. Uka pachpa markan jupan uva yapupax utjäna, Samariankir Ahab reyin utap jak'ana.

1 Reyes 21:23

Tatitux Jezabel warmit akham siwa: ‘Anunakaw Jezabel warmirux Jezreel pampanakan manq'ani’ sasa.

1 Reyes 4:12

Ahilud chachan Baaná yuqapasti, Taanac, Meguido, uka chiqanakankir jaqinak apnaqäna, taqpach Bet-seán chiqa apnaqarakïna. Uka uraqisti Saretán sat thiyankiwa, Jezreel chiqat juk'amp aynachana, uraqisti Bet-seán ukawjata, Abel-meholá ukakamawa, Jocmeam ukatsa juk'amp khurina;

2 Reyes 9:10

Jezabel warmirusti, Jezreel pampanakan anunakaw janchip manq'ani, janiw khitis jupar imt'irix utjkaniti” —sasa. Ukham sasin, profetax punku jist'aras jaltawayxäna.

2 Reyes 9:37

amayapasti Jezreel uraqin wanur uñtat willjatäniwa, ch'akhanakapas jan khitinsa uñt'kayäniwa” —sasa.

Jeremías 49:2

“Jichhax walikiwa, Naya, Tatituw arsta: Amón uraqinkir Rabá markan nuwasiñ art'asïwi ist'añap urux purininiwa; mayjar apthapit t'unjamaw tukuni, markanakapansti ninaw nakharakini. Ukapachaw Israelax markanakap wasitat tumpasxani. Naya, Tatituw uk arsta.

Josué 15:56

Jezreel, Jocdeam, Zanóah,

Josué 17:11

Uka ayllunakan uraqinakapan taypinxa walja markanaka jisk'a markanakamp kunaw utjarakïna, ukanakasti Manasés ayllunkirïnwa. Uka markanakasti: Bet-seán, Ibleam, Dor, Endor, Taanac, Meguido ukanakänwa. Dor markax quta iranankir markawa.

Josué 17:15

Josué chachasti jupanakarux sänwa: —Niyakixay jumanakax waljanïpxstaxa, Efraín qullunakapas jumanakatakix jisk'akirakïchixa, ukhamax ch'umi uraqir sarapxam, ukatsti ferezeo jaqinakana, refaita jaqinakan uraqinakap pampachjapxam —sasa.

Josué 17:17

Josué chachasti Joseat saraqir wawanakapa Efraín, Manasés ayllunkirinakarux sänwa: —Jumanakax waljanïpxtawa, wali ch'amanïpxaraktawa, janiw jumanakarux mä t'aqa uraqiki wakt'apkätamti,

Josué 17:18

jan ukasti, uka ch'umintat qullunakax jumanakankarakiniwa, jumanakax uka ch'uminak katuntasipxäta. Cananeo jaqinakarusti jumanakax uka chiqat jaqunukupxäta, qawqha ch'amanïsipkpansa, hierrot lurat carronakanïsipkpansa —sasa.

Josué 19:18

Kawkïr markanakatix uka uraqinak taypinkkäna ukanakax akanakänwa: Jezreel, Quesulot, Sunem,

Jueces 1:19

Tatitux Judá ayllunkirinakamp chikäkchïn ukasa, jupanakax qullu uraqinak katuntapkchïn ukasa, janiw pampa uraqinakan jakirinakarux jaqunukurjamäpkänti, uka jaqinakan hierrot lurat carronakanïpxatap layku.

Jueces 4:13

hierrot lurat llätunk patak carronakapa, taqpach soldadonakap tantacht'äna, ukatsti jupanakampix Haróset-goím chiqat mistusin Quisón jawir thiyakamaw sarantäna.

Jueces 4:3

Jabín reyix hierrot lurat llätunk pataka carronakanïnwa, israelitanakarux pä tunka maraw walpun t'aqhisiyäna, ukhamïpan israelitanakax yanapt'ayasiñatak Tatitur art'asxapxäna.

Jueces 6:33

Uka qhipatsti, taqpach madianitanakampi, amalecitanakampi, inti jalsu tuqinkir jaqinakampix mayar tukt'asaw Jordán jawir makhatapxäna, ukatsti Jezreel qhirwaruw utjnuqtapxäna.

1 Samuel 29:1

Filisteonakasti Afec sat chiqaruw jaqinakap tantacht'äna, ukchañkamasti israelitanakax Jezreel chiqankir uma jalsu jak'aruw utjnuqtapxäna.