Josué 17:1 - Qullan Arunaka DC

¹ Kawkïr uraqinaktix Josean jilïr yuqapa Manasés ayllux katuqkäna uka uraqinakax akham jaljatänwa: Maquir chachan wila masi tamanakaparux, Moisesax niyaw Jordán jawirat inti jalsu tuqinkir Galaad, Basán uraqinak jupanakar churxatayna. Maquir chachax jan axsaras nuwasir jaqïnwa, jupasti Manasés chachan jilïr yuqapänwa, Galaadankirinakan awkiparakïnwa.

Aymar Bibliia 1986

¹ Cawquïri oraketï Josean jilïri wawapa Manasés triburu wact'cän ucasti acanacänwa, ucatsti guerran nuwasiri Maquir sat Manasés tribun jilïri wawaparu, qhititejj Galaad ucan awquipäcän ucarojj Galaad, uqhamaraqui Basán orakenacaw wact'äna Jordán jawirat inti jalsu tokeru.

Qullan Arunaca

¹ Cawquïri oraketï Josean jilïri wawapa Manasés triburu wact'cän ucasti acanacänwa, ucatsti guerran nuwasiri Maquir sat Manasés tribun jilïri wawaparu, qhititejj Galaad ucan awquipäcän ucarojj Galaad, uqhamaraqui Basán orakenacaw wact'äna Jordán jawirat inti jalsu tokeru.

Josué 17:1 Jak'a apnaqawi uñst'ayäwi

Génesis 41:51

Joseasti jilïr wawaparux Manasés sutimpiw uchäna, jupasti sarakïnwa: “Diosaw taqi t'aqhisitanakax armasiyxitu, ukhamarak awkixan wila masinakapatsa” sasa.

Génesis 41:52

Ukxankir wawaparusti Efraín sutimpiw ucharakïna, jupasti sarakïnwa: “Diosaw nayarux wawanak apayanitu, t'aqhiskta uka markana” sasa.

Génesis 46:20

Joseampina, Asenat warmimpin wawanakapa: Manasés, Efraín, jupanakasti Egipto markan yuripxäna. Asenat warmisti On chiqankir Potifera sat sacerdoten phuchhapänwa.

Génesis 48:17

Joseatakisti awkipan Efrainar kupi amparampi luqxatatapax janiw walïkänti; ukhamasti awkipan amparap katusinxa, Manasesan p'iqipxaruw luqxatayäna,

Génesis 48:18

sarakïnwa: —¡Tata, janiw ukhamäkiti! Manasesaw jilïri wawaxaxa. Kupi amparam jupan p'iqipxar luqxatam —sasa.

Génesis 50:23

Efraín wawapan allchhinakaparus uñjasiwaykänwa. Ukhamarakiw Maquir allchhipan wawanakaparus wawapatjam katuqawayäna, Maquirasti Manasesan wawapänwa.

2 Samuel 2:9

ukan juparux Israel markan reyipat utt'ayäna. Ukhamat Is-bóset chachax Galaad, Gesuri, Jezreel, Efraín, Benjamín, uka markanak apnaqäna.

1 Crónicas 2:23

Ukampis Guesur, Aram jaqinakax Jaír chachan campamentonakap katuntasipxäna, Quenat jaqinkir jisk'a markanakapamppacha; taqpachax suxta tunka markanakänwa. Jupanakaw Maquir chachat saraqir wawanakapaxa, jupax Galaad chachan awkipawa.

Ezequiel 47:13

“Naya, Tatituw akham sista: Israelan tunka payan ayllunakapax tuti katuqkani uka uraqin qurpanakapax akhamäniwa. (Josearusti pä ukkhaw wakt'arakini).

Números 26:29

Manasés chachax mä wawanikïnwa: Maquir sutini. Maquir chachasti mä wawanikirakïnwa: Galaad sutini;

Números 27:1

Manasés ayllun phisqa imill wawanakaw utjäna, sutinakapasti Mahlá, Noá, Hoglá, Milcá, Tirsá jupanakänwa. Jupanakasti Selofhad sat chachan imill wawanakapänwa, Héfer, Galaad, Maquir, Manasés, José uka chachanakat saraqirinakarakïnwa.

Números 32:33

Ukhamaw Moisesax Gad, Rubén ayllunkirinakaru, Manasesan chikat ayllupar uka uraqit churäna. Sihón sat amorreo reyin uraqinakapa, ukhamarak Og sat Basán reyin uraqipa, jupanakan markanakapampi, markanak muyuntir pampanakapampi.

Deuteronomio 21:17

Uka uñisita warmin wawaparuw tayna yuqall wawapat uñt'asiñapa, ukatsti taqi yänakapat mä ukkhamp churañapa; uka wawaw nayrïr wawapaxa, juparurakiw tayna wawa kankañax wakt'i.

Josué 17:2

Manasés chachan maynïr wawanakaparusti wila masi tamanakaparjamaw uraqix wakt'äna: Abiézer, Helec, Asriel, Siquem, Héfer, Semidá uka chachanakaru, jupanakax Manasés chachan wawanakapänwa, Josean allchhinakaparakïnwa.

Josué 22:7

Moisesax, Manasés chachan ayllupankir maynïr chikat jaqiparux, Basán chiqankki uka uraqi churxatayna. Maynïr chikat jaqiparusti, Josué chachax israelit jilanakapan uraqip taypiruw uraqinak churäna, Jordán jawira inti jalanta tuqiru, ukat jupax nayrïr tamarux askinak churasin khithanukxäna.

Jueces 5:14

Efraín ayllunkirinakat yaqhip chachanakax qhirwaruw saraqanipxäna, jupanakan qhipapsti Benjaminankir tamaw sarapxäna. Maquir chiqankirinakat jilïrinakapaw saraqanipxäna, Zabulón ayllunkirinakatsti marka apnaqirinakapaw saraqanipxäna.