Josué 15:7 - Qullan Arunaka DC

⁷ ukatsti Acor qhirwat makhatanïna Debir chiqakama, Guilgal tuqi muytanisina, Adumim amsta uñkatasina, qhirwa aynach tuqina; ukatsti qurpax En-semes uma jalsu chiqaw saräna, En-roguel chiqakama;

Aymar Bibliia 1986

⁷ Ucjjarusti Acor valleta maqhatänwa Debir parquicama, Gilgal tokeru cuttasina, cawquïritï Adumín amsta uñcatasincqui uca uma jalsu aynachcama, ucatsti korpajj pasascaquïnwa En-semes uma jalsu tokenjama, En-rogel sat uma phuch'ucama.

Qullan Arunaca

⁷ Ucjjarusti Acor valleta maqhatänwa Debir parquicama, Gilgal tokeru cuttasina, cawquïritï Adumín amsta uñcatasincqui uca uma jalsu aynachcama, ucatsti korpajj pasascaquïnwa En-semes uma jalsu tokenjama, En-rogel sat uma phuch'ucama.

Josué 15:7 Jak'a apnaqawi uñst'ayäwi

2 Samuel 17:17

Ukchañkamasti, Jonatán, Ahimaas sacerdotenakax Roguel uma jalsu chiqan suyasipkäna, jupanakax janiw khitimpis markar mantir uñjayasiñ munapkänti, mä uywat tawaquw jupanakar yatiyir saratayna, ukatsti jupanakax jank'akiw David reyir yatiyir mistupxarakïna.

1 Reyes 1:9

Mä urusti, Adoniasax mä jach'a manq'äwi wakichäna Zohélet sat qarqa jak'aru, ukasti Roguel sat uma jalsu jak'ankiwa. Uka manq'äwitakisti ovejanaka, urqu vacanaka, lik'i vaca qallunak kharirayäna, ukatsti taqi jilanakaparu, reyin wawanakaparu, Judá uraqinkir reyin taqi luqtirinakaparuw jawsayäna;

Isaías 65:10

Sarón sat qhirwax uywanakampi phuqt'atäniwa, Acor sat qhirwansti uywanakax sum manq'art'asipxani, uka uywanakax nayar arkir markaxankiwa.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Josué 10:43

Ukatsti Josué chachax taqi israelitanakampi Guilgal chiqankki uka campamentor kuttxäna.

Josué 15:15

Uka qhipatsti Caleb chachax Debir markan jaqinakar katuntiriw saräna, nayra pachasti uka markax Quiriat-séfer satänwa.

Josué 15:6

ukasti Bet-hoglá chiqakamaw makhatäna, Bet-arabá amsta tuqiru sarakipasa, Rubén chachan Bohan sat yuqapan uka qarqakama;

Josué 18:17

Ukxarusti amsta tuqiruw kuttäna, En-semes chiqakama, ukawjatsti Guelilot chiqakamaw purïna, ukax Adumim amsta uñkatasinkiwa, uka chiqatsti Rubén chachan Bohan yuqapan qarqapkamaw saraqäna;

Josué 4:19

Israelitanakax nayrïri phaxsita tunka uru saraqataruw Jordán jawirat mistunipxäna, ukatsti Guilgal sat uraqina, Jericó markat inti jalsu tuqiruw utjnuqtapxäna.

Josué 7:24

Ukatsti Acán jaqirux Acor sat qhirwaruw irpapxäna, jupampi chiksti lunthatasinkatayna uka qullqimpi, suma isimpi, quri barrampi apapxäna, ukhamarak yuqanakapa, phuchhanakapa, vacanakapa, asnonakapa, ovejanakapa, chhujllapa, taqi kunatix jupankkäna ukanakamppach apapxäna.

Josué 7:26

Ukxarusti Acán chachan amayap patxarux walja qalanak phinxatapxäna, ukasti jichhakamaw ukankaski. Ukat uka chiqax jichhürkam Acor qhirwa sataxa. Ukhamat Tatitun q'apisiñapax Israel markatak tukusïna.