Josué 15:13 - Qullan Arunaka DC

¹³ Josué chachax Jefuné jaqin Caleb yuqaparux Judá ayllun uraqinakapat mä t'aqa churäna. Tatitun arsutaparjamasti, Hebrón marka churäna, Anac sat jach'a tansa jaqin wawanakapan aytat markapa.

Aymar Bibliia 1986

¹³ Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Qullan Arunaca

¹³ Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Josué 15:13 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 23:2

jupasti Quiriat-arbá sat chiqan jiwxäna, Hebrón markana, Canaán uraqina. Abrahamasti warmipan jiwatap amtasax wal jachäna.

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

1 Crónicas 6:56

56 (41) Jefuné chachan Caleb wawaparux markankir uraqinakapa, jisk'a markanakapamppach churapxäna.

2 Crónicas 11:10

Sorá, Aialón, Hebrón. Uka markanakasti Judá, Benjamín ukanakan jach'a pirqanakani markanakapänwa.

Números 13:30

Jaqinakax Moisesatakiw arusipxäna, ukampis Caleb chachaw uka jaqinakar amukt'ayäna, akham sasa: —¡Uka uraq katuntir sarapxañäni! ¡Jiwasax katuntañäniwa!

Números 13:6

Judá ayllutxa, Caleb sat Jefuné chachan yuqapa;

Josué 11:21

Khä urunakanxa, Josué chachax Hebrón qulluna, Debir, Anab markan jakapki uka anaquita sat jaqinakan markanakapar katuntasin q'alpun tukjäna, ukhamarak Judá, Israelan qullunakapan jakirinakarusa,

Josué 20:7

Ukhamasti israelitanakax imantasiñatakix aknïr markanak ajllipxäna: Quedes marka, Galilea uraqina, Neftalí ayllun qullunakapana. Siquem marka, Efraín ayllun qullunakapana. Hebrón marka, Judá ayllun qullunakapana.

Josué 21:11

Judá uraqin qullunakapanxa Arbá marka churapxäna, Hebrón sutinïkaraki uka marka, Arbá chachax Anac jach'a tansa jaqin awkipänwa, jupanakarusti uywanak awatiñ uraqinakamp churapxarakïna.

Jueces 1:10

Ukatsti Hebrón markan jakapkän uka cananeo jaqinakampi nuwasiriw sarapxarakïna, nayrasti uka markax Quiriat-arbá satänwa, ukansti Sesai, Ahimán, Talmai sat cananeo tamanakaruw atipjapxäna.

Jueces 1:20

Caleb chacharux Hebrón uraqiw wakt'äna, kunjämtix Moisesax arsuwaykatayna ukhamarjama, Caleb chachasti uka uraqit Anac sat jach'a tansa jaqit saraqir kimsa yuqanakaparuw alisnuküna.

1 Samuel 25:3

Uka jaqisti Nabal satänwa. Caleb chachan wila masipat saraqiri. Jupasti qhuru jan wali jaqirakïnwa. Ukampis Abigail warmipax wali suma uñnaqt'an ch'ikhi warmïnwa.

1 Samuel 30:14

nanakasti quereteos jaqinakan aynacha uraqipat lunthatsuriw sarapxta, ukhamarak Judá, Caleb tuqinkirinakata, Siclag markarusti ninampiw phichhantanipxta.

1 Samuel 30:31

Hebrón, ukhamarak kawkhanakantix jupasa, jaqinakapasa sarnaqkatayna taqi uksankirinakaruw uka churäwinak apayäna.