Josué 14:6 - Qullan Arunaka DC

⁶ Judá ayllut saraqir wawanakapax Josué chachampi parliriw Guilgal chiqaru sarapxäna, ukatsti Jefuné jaqin yuqapa, quenezita Caleb chachax Josué chacharuw akham säna: “Jichhasti jumax kuntix Tatitux Moisés luqtiriparu Cadés-barnea chiqan nayampita, jumampit sawayki uk amtasim.

Aymar Bibliia 1986

⁶ Ucapachasti Judá tribun wawanacapaw Gilgal campamentoru sarapjjäna, Josué chachampi parliri, ucatsti Jefone chachan wawapa cenezeo Caleb chachajj jutasinjja Josué chacharojj aqham sänwa: “Jichhasti jumajj amtasimay cuntejj Dios Tatitojj Moisesaru sawayqui nayampita jumampita, Cades-barnea chekana ucanacjja.

Qullan Arunaca

⁶ Ucapachasti Judá tribun wawanacapaw Gilgal campamentoru sarapjjäna, Josué chachampi parliri, ucatsti Jefone chachan wawapa cenezeo Caleb chachajj jutasinjja Josué chacharojj aqham sänwa: “Jichhasti jumajj amtasimay cuntejj Dios Tatitojj Moisesaru sawayqui nayampita jumampita, Cades-barnea chekana ucanacjja.

Josué 14:6 Jak'a apnaqawi uñst'ayäwi

1 Reyes 13:1

Jeroboam reyix altarxan incienso nakhayaskän ukapachaw Tatitun khithanita mä profetax Judá uraqit Betelar purinïna.

1 Reyes 13:14

Judá uraqinkir profetan qhipap mistuwayi. Ukatsti profetarux encina sat quqa kayun qunt'atäskir jikxatäna, ukat jupar jiskt'arakïna: —¿Jumätati Judá uraqit jutir profetaxa? —sasa. Profetasti sänwa: —Jïsa, nayätwa —sasa.

2 Reyes 4:16

Ukat Eliseox säna: —Jutir maran aka pachpa urunakan, amparamar mä wawa ichxart'asïta —sasa. Warmisti ukxaruw säna: —Janikiy naya, luqtirimar sallqjistati —sasa.

2 Reyes 4:42

Uka qhipatsti mä chachaw Baal-salisá chiqat purinïna, Eliseotaki cebada t'ant'anakat pä tunka apanirapïna, jichha lurt'at t'ant'anaka, ukhamaraki wayaqaparux chhuyu trigompi apanirapïna. Eliseosti uywataparux sänwa: —Uka jaqinakan manq'apxañapatak churam —sasa.

2 Reyes 4:9

Ukat uka warmix chachapar säna: —Uñjam, aka chachax sapa kutiw marka chiqa sarkasax jiwasar tumpt'awayistu, nayax yattwa, jupax Diosan qullan profetapawa.

2 Reyes 8:11

Ukatsti Eliseox jan maysar uñtasaw Hazael chachar uñkatäna, Hazaelasti ukham uñkatatax mayjt'asïnwa. Ukatxa profetax jachxakïnwa,

2 Reyes 8:7

Uka qhipatsti, Eliseox Damasco markaruw sarxäna. Uka urunakansti Siria markan Ben-adad sat reyipax usutaw jikxatasïna, juparusti profetan purinitap yatiyapxäna.

1 Crónicas 23:14

Tatitunkir Moisés chachampi, jupat saraqir wawanakapampix Leví ayllur jakhutänwa.

Salmos 90:1

Tatay, mitat mita jaqinak taypin, jumaw nanakan imantasiñaxätaxa.

Jeremías 35:4

ukatsti Tatitun utaparuw jupanakar irpta, Hanán sat jaqin yuqanakapan utaparuw irpantta, uka Hanán jaqisti Igdalías sat jaqin yuqapänwa, Tatitur wali katuyatarakïnwa. Uka utasti, Tatitun utapan jilïrinakapäkis ukanakan utap jak'ankänwa, Salum jaqin Maasías sat yuqapan utap patana, khititix Tatitun utapar mantañ punku uñjirïkän uka.

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 13:30

Jaqinakax Moisesatakiw arusipxäna, ukampis Caleb chachaw uka jaqinakar amukt'ayäna, akham sasa: —¡Uka uraq katuntir sarapxañäni! ¡Jiwasax katuntañäniwa!

Números 13:6

Judá ayllutxa, Caleb sat Jefuné chachan yuqapa;

Números 14:24

Caleb luqtirixakiw jan mayninakjamäkiti, jupasti taqi chuymampiw iyawsitu. Ukat juparux kawkïr uraqtix uñakipir sarki uka uraqirux mantayä, wawanakapasti ukan utjantasipxani.

Números 14:30

Jumanakat janiw maynis jumanakar churañatak arskta uka uraqir mantkaniti, Caleb chachampi, Josué chachampikiw uka uraqirux mantapxani.

Números 14:6

ukatsti Josué chachampi, Caleb chachampix, llakisiñat isinakap ch'iyanuqasipxäna, jupanakax mayninak chikaw uka uraqinak uñakipanipxatayna,

Números 26:65

Jupanakax taqpachaniw wasaran Tatitun mutuyäwip katuqas jiwarxapxatayna. Caleb chachampi, Josué chachampikiw qhiparäna.

Números 32:12

Caleb sat Jefuné chachan yuqapampi, Josué sat Nun chachan yuqapampikiw mantapxani, nayar iyawsapxatap layku” sasa.

Deuteronomio 33:1

Moisesax Diosar luqtir mä jach'a profetänwa. Janïra jiwkasin jupax israelitanakar aski arunak arsüna,

Deuteronomio 34:10

Israel marka taypinsti, janiw Moisés profetjamax yaqha profetax Tatitumpi ajanuy ajanu parlirix utjkxänti.

Deuteronomio 34:5

Ukhamaw Tatitun luqtiripa Moisesax, Moab uraqin jiwxäna, kamisatix Tatitux siskatayna ukhamarjama.

1 Timoteo 6:11

Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

2 Timoteo 3:17

ukhamat Diosar luqtirinakan wali yatiñanïpxañapataki, aski luräwitak suma wakichatäpxañapataki.

Josué 10:43

Ukatsti Josué chachax taqi israelitanakampi Guilgal chiqankki uka campamentor kuttxäna.

Josué 14:14

Ukhamaw Hebrón uraqix Caleb chachampiru wawanakapampiru churatäxäna, Caleb chachan Israelan Tatitu Diosaparu taqi chuymamp jaysatap layku.

Josué 15:17

Uka marka katuntiri chachasti Otoniel sat sobrinopänwa, Quenaz chachan yuqapa, ukhamasti Caleb chachax Acsa phuchhaparuw warmipäñapatak Otonielar churäna.

Josué 4:19

Israelitanakax nayrïri phaxsita tunka uru saraqataruw Jordán jawirat mistunipxäna, ukatsti Guilgal sat uraqina, Jericó markat inti jalsu tuqiruw utjnuqtapxäna.