Josué 14:12 - Qullan Arunaka DC

¹² Ukat jichhax jumar maysma uka qullu chiqanak nayar churañamataki, kunjämtix Tatitux arsuwaykitu ukhamarjama. Jumasti yattawa Anac sat jach'a tansa jaqit saraqir wawanakapan uka urunakatpach uka chiqan jakapxatapxa, markanakapasa jach'anaka, wali suma uyuchrantat markanakätapa. Ukampis nayax Tatitun yanapapampix uka chiqat jupanakarux jaqunuküwa, kunjämtix Tatitux arsuwayki ukhamarjama” sasa.

Aymar Bibliia 1986

¹² Ucatwa jichhajj maysma jumaru uca kollu nayar churañamataqui, cunjämtï Diosajj nayaru arupampi arsuwayquitäna uqhamarjama. Jumasti yatiractaw anaquita jach'a jakenaca uca urunacatpacha uca ckekanacan jacapjjatapa, uqhamaraqui marcanacapas wali suma chekan luratätapa, ucampis nayajj Diosaruquiw mayï yanapt'añapataqui uca jakenacar ucawjanacata jakonucuñajjataqui, cunjämtï jupajj sisqui uqhama” sasa.

Qullan Arunaca

¹² Ucatwa jichhajj maysma jumaru uca kollu nayar churañamataqui, cunjämtï Diosajj nayaru arupampi arsuwayquitäna uqhamarjama. Jumasti yatiractaw anaquita jach'a jakenaca uca urunacatpacha uca ckekanacan jacapjjatapa, uqhamaraqui marcanacapas wali suma chekan luratätapa, ucampis nayajj Diosaruquiw mayï yanapt'añapataqui uca jakenacar ucawjanacata jakonucuñajjataqui, cunjämtï jupajj sisqui uqhama” sasa.

Josué 14:12 Jak'a apnaqawi uñst'ayäwi

2 Reyes 19:4

Inasa Tatit Diosamax ist'chi kuna arunaktix Asiriankir reyin khithanit yanapiripax jakkir Diosar ñanqhachasa siski uka, inachay Tatit Diosamax uka arunak ist'asin jupar mutuyaspa. Jichhasti Tatitut mayim jilt'ir israelitanakat khuyapayasiñapataki” sasa.

2 Crónicas 14:11

11 (10) Asá reyisti Tatit Diosaparuw art'asïna, akham sasa: “Tatay, jumatakix ch'amanirusa, jan ch'amanirus yanapt'añax pachpakiwa. Ukhamasti, ¡nanakan Tatit Diosaxay, yanapt'apxitaya, nanakax jumaruw katuyasipxsma, sutimxarurakiw aka ejercitompi nuwasirix jutapxta! Tatay, jumaw nanakan Diosaxätaxa. ¡Nanakax yatipxtwa, jumarux janiw khitis atipjkiristamti!” sasa.

Salmos 44:3

3 (4) Janiw ch'amampiti, espadampisa atipjapkiti, jupanak sapakix janiw uka uraq katuntasipkiti. ¡Jan ukasti, amparamampi, ch'amamampiwa! ¡Juman qhanamampiw atipjapxi, jupanakar munasitam layku!

Salmos 60:12

12 (14) Diosan yanapapampix muspharkañanak lurañäni; ¡jupaw uñisirinakasarux takxatani!

Números 13:28

Ukampis ukan jakir jaqinakax wali ch'amaninakawa, markanakasti wali jach'anakawa, suma uyuchrantatarakiwa. Anac sat jach'a tansa jaqin wawanakaparus uñjanipxtwa.

Números 13:33

Jach'a tansa jaqinak uñjanipxarakta, Anac chachan wawanakaparu. Nanakasti jupanak thiyanxa, t'iju t'ijunakar uñtatakiw uñjasipxta, jupanakas ukham uñjapxarakitu —sasa.

Números 21:34

Ukapachaw Tatitux Moisesar säna: “Og reyir jan axsaramti, nayaw amparamar jupar katuyäma, taqpach ejercitoparu, markapamppacharu, jumasti kunjämtix Hesbón markan jakir amorreo Sihón reyir lurktaxa, uka pachparak luräta” sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

Deuteronomio 9:1

Moisesasti saskakïnwa: “Israelit jaqinaka, ist'apxam: Jordán jawira khurkatar makhatañampïpxtawa, jumanakat sipan juk'amp jach'a ch'aman markanak katuntapxäta, ukhamarak jach'a pirqanakan uyuchrantat suma markanaksa;

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Filipenses 4:13

Criston ch'amapampix taqi kunaruw saykatirista.

Hebreos 11:33

Iyawsäwi laykuw yaqha markanakarus atipapxäna, chiqaparuw apnaqapxarakïna, kuntix Diosax arskatayna uk katuqapxäna. Leonanakan lakanakapsa jist'antapxarakïnwa,

Josué 15:14

Caleb chachax uka chiqat Anac chachan kimsa wawanakaparuw jaqunuküna, Sesai, Ahimán, Talmai jupanakaru.

Jueces 1:20

Caleb chacharux Hebrón uraqiw wakt'äna, kunjämtix Moisesax arsuwaykatayna ukhamarjama, Caleb chachasti uka uraqit Anac sat jach'a tansa jaqit saraqir kimsa yuqanakaparuw alisnuküna.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa: