Josué 13:9 - Qullan Arunaka DC

⁹ Jupanakarux Aroer chiqat qalltkäna uka uraqinaka, Arnón jawir thiyana, Dibón chiqakamäki uka uraqinakaw wakt'äna, ukatsti qhirwa taypinkir markamppacha, Medebá pampanakamppacha,

Aymar Bibliia 1986

⁹ Cawquïri oraketï Aroer sat chekat sarqui ucqhata, Arnón jawir lacanaccama, chica vallen marcampi cuna, take Medeba sat pampanacamppacha Dibón sat chekacama.

Qullan Arunaca

⁹ Cawquïri oraketï Aroer sat chekat sarqui ucqhata, Arnón jawir lacanaccama, chica vallen marcampi cuna, take Medeba sat pampanacamppacha Dibón sat chekacama.

Josué 13:9 Jak'a apnaqawi uñst'ayäwi

2 Samuel 24:5

Jupanakasti Jordán jawir makhatawayapxäna, ukatsti Aroer markan jaqinak jakthapiñ qalltapxäna, kawkïr markatix qhirwa taypin jikxataskän ukata, Gad, Jazer chiqanakar sarañ thakhina.

1 Crónicas 19:7

ukatsti kimsa tunka payan waranq nuwasiñ carronak uka qullqimpix mink'apxäna, ukhamarak Maacá chiqankir reyiparusa ejercitoparusa. Jupanakasti Medebá uñkatasiruw utjnuqtapxäna. Ukhamarus amonitanakax markanakapat mistunisax nuwasiñatakiw tantacht'asipxäna.

Nehemías 11:25

Judá ayllunkirinakat yaqhipanakax aka markanakan jakañatakiw utt'asipxäna: Quiriat-arbá, Dibón, Jecabseel,

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Jeremías 48:18

“Dibón marka, uka jach'a qunuñamat saraqanim, waña uraqir qunt'asim, Moab markar t'unjirix jutantiwa, sayt'asiñ chiqanakamsa t'unjarakiwa.

Jeremías 48:22

Dibón, Nebo, Bet-diblataim,

Jeremías 48:8

T'unjatäñasti taqi markanakaruw purini, janirakiw mä markas qhispkaniti; qhirwasa, pampasa t'unjataw uñjasini. Naya, Tatituw uk arsta.

Números 21:30

Hesbón markan ch'amapax t'unjatawa; Dibón uraqit Nófah uraqkamax laqayar tukutawa, Medebá chiqakamaw ninax purïna.”

Deuteronomio 2:36

Janiw kawkïri markas jiwasan amparanakasat jaltirjamäkänti; Tatit Diosasaw taqi aka markanak amparasar katuyistu, Arnón jawir thiyankir Aroer sat markat qalltasa, qhirwa chinqankir marka, Galaad uraqkama.

Deuteronomio 3:12

“Kawkïr uraqinaktix katuntapkäyätan uka uraqinakatsti, Rubén, Gad uka ayllunkirinakaruw churäyäta, Arnón jawir thiyankir Aroer sat chiqata, Galaad chikat qullunakkama, markanakapamppacha.

Deuteronomio 3:16

Rubén, Gad ayllunkirinakarusti Galaad uraqita Arnón jawirkamäkis uka uraqinak churäyäta, chika qhirwata, Jaboc sat jawirkama, amonitanakan uraqipampi qurpäki ukakama.

Josué 12:2

Hesbón markan jakir amorreo jaqinakan Sihón sat reyipa. Jupan marka apnaqañapax Aroer chiqat Arnón jawir thiyakamänwa, ukatsti chika qhirwat Jaboc sat jawirkama, ukawjat amonitanakan uraqipax qalltäna (Galaad uraqit niya chikatapjamawa),

Josué 13:10

Hesbón markan jakkäna, amorreonakan Sihón sat reyipan taqi markanakapamppacha, amonitanakampi qurpäkis ukakama.

Josué 13:16

ukhamïpansti uraqipax Aroer chiqata, Arnón sat jawir thiyana, Hesbón markakama, qhirwa taypinkir markamppacha, Medebá pampanakamppacha.

Josué 13:8

Rubén, Gad ayllunakampi, ukhamarak Manasés ayllunkir chikat jaqipampix, Jordán jawirat inti jalsu tuqiruw Moisesat uraqinak katuqapxäna.