Josué 12:8 - Qullan Arunaka DC

⁸ qullu uraqinaka, pampa uraqinaka, Jordán qhirwanaka, qullu irananaka, wasar uraqinaka, ukhamarak Négueb sat uraqinaka. Uka uraqinakasti hititanakana, amorreonakana, cananeonakana, ferezeonakana, heveonakana jebuseonakan uraqipänwa.

Aymar Bibliia 1986

⁸ Kollu orakenaca, pampa orakenaca, Jordán vallenaca, kollu thiyanaca uqhamaraqui wasara tokenquir orakenacsa, Néguev sat orakenac cuna. Aca orakenacanjja jacapjjänwa hititanaca, amorreonaca, cananeonaca, ferezeonaca, heveonaca, jebuseonac cuna.

Qullan Arunaca

⁸ Kollu orakenaca, pampa orakenaca, Jordán vallenaca, kollu thiyanaca uqhamaraqui wasara tokenquir orakenacsa, Néguev sat orakenac cuna. Aca orakenacanjja jacapjjänwa hititanaca, amorreonaca, cananeonaca, ferezeonaca, heveonaca, jebuseonac cuna.

Josué 12:8 Jak'a apnaqawi uñst'ayäwi

Génesis 10:17

heveo, araceo, sineo,

Génesis 12:9

Ukatsti juk'at juk'at Négueb wasara tuqirux saraskakïna.

Génesis 13:7

Abram chachan uywap awatirinakasti, Lot sobrinopan awatirinakapampiw jan walt'ayasipkänti. Ukhamarus uka urunakan cananeo, ferezeo jaqinakaw uksa tuqinakan jakasipkäna.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Deuteronomio 9:1

Moisesasti saskakïnwa: “Israelit jaqinaka, ist'apxam: Jordán jawira khurkatar makhatañampïpxtawa, jumanakat sipan juk'amp jach'a ch'aman markanak katuntapxäta, ukhamarak jach'a pirqanakan uyuchrantat suma markanaksa;

Josué 10:40

Ukhamaw Josué chachax taqi uka uraqinak katuntasïna. Jupax Négueb qullunkiri, pampankiri, amstankir reyinakaruw atipjäna. Taqpun tukjäna, taqiniruw jiwarayarakïna; janiw ukat jilt'irix kunas utjkänti, janirakiw maynis jakkänti, kunjämtix Israelan Tatit Diosapax jupar siskatayna ukhamaru phuqhasa.

Josué 11:16

Josué chachax taqi uksa uraqinak katuntäna: qullu uraqinaka, Négueb sat uraqi, Gosen uraqinaka, Jordán qhirwa pampanaka, Israel markan qullu uraqinakapa, pampa uraqinakapa.

Josué 3:10

Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.

Josué 9:1

Hititanakana, amorreonakana, cananeonakana, ferezeonakana, heveonakana, jebuseonakan reyinakapax kunatix luraskatayna ukanak yatipxäna. (Uka reyinakax Jordán jawirat inti jalanta tuqina, qullu tuqinakana, pampa tuqinakana, jach'a Mediterráneo quta irananakana, Líbano chiqanakan jakapxäna.)

Jueces 1:9

Ukatsti jupanakax, qullunakana, Négueb uraqinakana, pampanakan jakiri cananeo jaqinakaruw katuntapxäna.