Josué 12:6 - Qullan Arunaka DC

⁶ Moisesampi israelitanakampix uka reyinakaruw atipjäna, ukatsti Moisesax uka uraqinak Rubén, Gad uka ayllunkirinakaruw churäna, ukhamarak Manasés ayllunkirinakat chikat jaqiparu.

Aymar Bibliia 1986

⁶ Moisesampi Israel marcampejj uca reyinacaruw atipjäna, ucatsti Moisesajj uca orakenac churäna, Rubén triburu uqhamaraqui Gad triburu, chicat Manasés tribur cuna.

Qullan Arunaca

⁶ Moisesampi Israel marcampejj uca reyinacaruw atipjäna, ucatsti Moisesajj uca orakenac churäna, Rubén triburu uqhamaraqui Gad triburu, chicat Manasés tribur cuna.

Josué 12:6 Jak'a apnaqawi uñst'ayäwi

1 Reyes 4:19

Urí chachan Guéber yuqapasti, Gad uraqinkir jaqinak apnaqäna, uka uraqin Sihón sat reyin markapax jikxatasïna, uka reyisti amorreonakan reyipänwa, Basán uraqin Og sat reyin uraqip apnaqarakïna. Ukhamarusa, taqpach marka apnaqirix, mä sapa jilïrikiw utjäna.

Números 32:29

—Gad, Rubén ayllunakankir taqpach jaqinakapatix jumanakamp chika Jordán jawir wakichrantat makhatapxani, Tatitun arsutapar jaysasa, jumanakan uka uraqi katuntañamkamaxa, ukapachasti jumanakax Galaad uraq jupanakar churapxäta.

Números 32:32

Wakichrantataw Tatitur jaysas Canaán uraqir makhatapxä, ukampis nanakax Jordán jawirat akkatan jakiriw kuttanxapxä. Akäniw nanakan uraqixaxa —sasa.

Números 32:33

Ukhamaw Moisesax Gad, Rubén ayllunkirinakaru, Manasesan chikat ayllupar uka uraqit churäna. Sihón sat amorreo reyin uraqinakapa, ukhamarak Og sat Basán reyin uraqipa, jupanakan markanakapampi, markanak muyuntir pampanakapampi.

Josué 14:3

Moisesax Rubén, Gad ayllunakarux Jordán jawir khurkatan utjir uraqinak niyaw churxatayna, ukhamarak Manasés ayllunkirinakat chikat jaqiparu, ukampis levitanakarux janiw uraq churkänti.

Josué 18:7

Levitanakarux janiw kuna uraqis wakt'kaniti, jupanakarux Tatit nayraqatan sacerdote luräwinaka phuqhañaw wakt'i. Ukatsipana, Gad, Rubén ayllunkirinaka, ukhamarak Manasés ayllunkirinakan chikat jaqipax, Jordán jawirat inti jalsu tuqiruw uraqinak katuqxapxi, uka uraqinaksti Tatitun luqtiripa Moisesaw jupanakarux churxi” sasa.

Josué 22:4

Diosax arsutapar phuqhiwa, jilanakamas samarañ jikxatapxaraki, ukhamasti, utanakamar sarxapxam, kawkïr uraqtix Tatitun luqtiripa Moisesax Jordán jawirat inti jalsu tuqir churapktam uka uraqir kuttxapxam.