Josué 11:16 - Qullan Arunaka DC

¹⁶ Josué chachax taqi uksa uraqinak katuntäna: qullu uraqinaka, Négueb sat uraqi, Gosen uraqinaka, Jordán qhirwa pampanaka, Israel markan qullu uraqinakapa, pampa uraqinakapa.

Aymar Bibliia 1986

¹⁶ Uqhamaw Josué chachasti take uca orakenac catuntäna, kollu orakenaca, Néguev sat orake, Gosén orake, Jordán jawiran valle pampanaca uqhamaraqui take Israel marcan kollunacapa, pampanacapa cuna.

Qullan Arunaca

¹⁶ Uqhamaw Josué chachasti take uca orakenac catuntäna, kollu orakenaca, Néguev sat orake, Gosén orake, Jordán jawiran valle pampanaca uqhamaraqui take Israel marcan kollunacapa, pampanacapa cuna.

Josué 11:16 Jak'a apnaqawi uñst'ayäwi

Salmos 105:44

Diosar jan uñt'ir jaqinakan uraqinakap katuyäna, yaqha markanakan uraqinakap churxäna,

Salmos 78:55

Israel markan nayraqatapatxa, Tatitur jan uñt'ir markanakarux ananukünwa; ayllunakaparuw uraqinak lakintäna, chhujllanakapan jakayarakïna.

Ezequiel 17:23

Israelan wali jach'a qullüki ukaru. Layminakapax wal jilantani, achunakapas wal phuqhantani, ukatsti mä suma cedro quqaw tukuni. Uka quqan ch'iwipan jamach'inakax tapachasipxani.

Ezequiel 36:8

Ukampis, jumanakax israelitanaka, markamaru walja achunak churiri jach'a quqanakampi phuqhantata uñjapxäta, jumanakax niya kuttaniñampïsipktawa.

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Josué 10:40

Ukhamaw Josué chachax taqi uka uraqinak katuntasïna. Jupax Négueb qullunkiri, pampankiri, amstankir reyinakaruw atipjäna. Taqpun tukjäna, taqiniruw jiwarayarakïna; janiw ukat jilt'irix kunas utjkänti, janirakiw maynis jakkänti, kunjämtix Israelan Tatit Diosapax jupar siskatayna ukhamaru phuqhasa.

Josué 10:41

Josué chachax mä kutinak reyinakarux atipjäna, ukatsti uraqinakap Cadés-barnea, Gaza, Gosen chiqata, Gabaón markakamaw katuntasïna, Israelan Tatitu Diosapaw israelitanakat arxatasax nuwasiskäna, uka layku.

Josué 11:15

Tatitux Moisesaruw ixwa arunakap churatayna, Moisesasti Josué chacharuw uka ixwa arunak churarakïna, jupasti uka arunakarjamax taqpun phuqhäna.

Josué 11:2

ukhamarak alay tuqinkir qullunkapki uka reyinakampi; Galilea quta aynach tuqin Jordán qhirwankiri reyinakampi, pampankirinakampi, inti jalanta tuqinkir Dor marka jak'ankirinakampi,

Josué 11:21

Khä urunakanxa, Josué chachax Hebrón qulluna, Debir, Anab markan jakapki uka anaquita sat jaqinakan markanakapar katuntasin q'alpun tukjäna, ukhamarak Judá, Israelan qullunakapan jakirinakarusa,

Josué 12:8

qullu uraqinaka, pampa uraqinaka, Jordán qhirwanaka, qullu irananaka, wasar uraqinaka, ukhamarak Négueb sat uraqinaka. Uka uraqinakasti hititanakana, amorreonakana, cananeonakana, ferezeonakana, heveonakana jebuseonakan uraqipänwa.

Josué 9:1

Hititanakana, amorreonakana, cananeonakana, ferezeonakana, heveonakana, jebuseonakan reyinakapax kunatix luraskatayna ukanak yatipxäna. (Uka reyinakax Jordán jawirat inti jalanta tuqina, qullu tuqinakana, pampa tuqinakana, jach'a Mediterráneo quta irananakana, Líbano chiqanakan jakapxäna.)