Josué 11:12 - Qullan Arunaka DC

¹² Uka pachparaki kawkïr markanakatix uka arust'äwiru mantañataki jaysapkatayna uka markanakarux luräna: markanakar katuntasax reyinakaparuw jiwarayäna, ukatsti q'alpun tukjäna, kunjämatix Tatitun luqtiripa Moisesax siskatayna ukhamarjama.

Aymar Bibliia 1986

¹² Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa.

Qullan Arunaca

¹² Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa.

Josué 11:12 Jak'a apnaqawi uñst'ayäwi

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Deuteronomio 9:3

“Jichhasti jumanakax yatipxañamawa, Tatit Diosamaw jumanak nayram saraski, mä ninar uñtataw jumanak nayräxan uka markanakar t'unjani, jisk'achjarakini. Jumanakax uka markanakarux mä ch'ipxtanak jaqunukupxäta t'unjapxarakïta, kunjämtix Tatit Diosamax arsuwayki uka aruparjama.

Josué 10:20

Kunapachatix Josué chachampi israelitanakampix amorreonakar q'alpun atipjas waljanir jiwarayapkän ukkhaxa, amorreonakat jilt'irinakax markanakaparuw imantasipxäna.

Josué 10:28

Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.

Josué 10:30

Tatituw uka markampi, reyipampirux jupanakar katuyäna. Taqinipuniw jiwarat uñjasipxäna, Libná markankir reyiparux kunjämtix Jericó markan reyiparux lurkatayna uka kipkarak luräna.

Josué 10:32

Pä uru qhipatsti Tatitux Laquis marka jupanakar katuyäna, ukatsti kunjämtix Libná markan lurapkatayna ukhamarak israelitanakax taqi jaqinakaru, ukan utjir uywanakarux espadampkamaw jiwarayapxäna.

Josué 10:35

Uka pachpa uruw uka marka katuntapxäna, ukatsti ukan jakirinakarux espadampkamaw taqinir jiwarayapxäna, kunjämtix Laquis markar lurapkatayna ukham q'alpun tukjasa.

Josué 10:37

Kunapachatix katuntxapxän ukkhaxa, q'alpun tukjapxäna, ukatsti reyiru, taqi jaqinakaru, ukan utjir uywanakaru, uka jak'an jakir jaqinakarus espadampkamaw jiwarayapxäna, kunjämtix Eglón markar lurapkatayna ukhama.

Josué 11:13

Ukampisa, israelitanakax qullunakankkän uka markanakarux janiw maysa phichhantapkänti, jan ukasti Hasor markaki phichhantapxäna.

Josué 11:15

Tatitux Moisesaruw ixwa arunakap churatayna, Moisesasti Josué chacharuw uka ixwa arunak churarakïna, jupasti uka arunakarjamax taqpun phuqhäna.

Josué 13:6

Naya Diosaw israelitanakan nayräxapat sidonio jaqinakarux jaqunukü, ukhamarak qullunakan jakapki ukanakarusa, Líbano chiqat qalltasa Misrefot-maim chiqakama. Jumasti jichhax israelitanakar uka uraqinak churañar uchasim, kunjämtix nayax sisksma ukhamar phuqhasa.

Josué 21:44

Tatitux arsutaparuw phuqhäna, ukatsti israelitanakaru taqi uka uraqpachan sumankañ churäna. Uñisirinakapax janiw jupanakarux saykatirjamäkänti, Tatituw uka uñisirinakarux atipjäna.

Josué 8:31

kunjämatix Tatitun luqtiripa Moisesax israelitanakar siskatayna, ukhamarak kunjämatix Moisesan qillqatapansa qillqatäki ukhamarjama: “Maypach qalanakat mä altar luräta” sasa. Ukatsti israelitanakax uka altar patxaruw nakt'at waxt'äwinaka, sumankthapiñ wilañchanak luqtapxäna.

Josué 8:8

Marka katuntasinsti, ninampiw phichhantapxäta, kunjämtix Tatitux siskän ukhamarjama. Aka arunakax phuqhañatakiwa” sasa.

Josué 9:24

Jupanakasti Josué chacharux sapxänwa: —Nanakax jumar axsarasaw uk lurapxta, nanakar jan jiwayañamataki, nanakasti kuntix jumanakan Tatitu Diosamax Moisesar sawaykatayna uk yatipxtwa: “Taqi aka markanak jumanakar katuyapxäma ukatsti ukan jakir jaqinakarux taqpach tukjapxäta” sasa.