Josué 11:11 - Qullan Arunaka DC

¹¹ ukhamarak khitinakatix ukan jakapkän taqi jupanakaru. Taqi kun q'alpun tukjapxäna, marksa phichhantapxarakïnwa.

Aymar Bibliia 1986

¹¹ uqhamaw take ucan jaquirinacaru jiwarayapjjäna. Take cunwa t'unjapjjäna, ucatsti ninampiw marcar phichhantapjjäna.

Qullan Arunaca

¹¹ uqhamaw take ucan jaquirinacaru jiwarayapjjäna. Take cunwa t'unjapjjäna, ucatsti ninampiw marcar phichhantapjjäna.

Josué 11:11 Jak'a apnaqawi uñst'ayäwi

Deuteronomio 20:16

Ukampis Tatit Diosamax churkätam uka uraqin utjir markanakapanxa, janiw maynirus jakaskir jaytapxätati,

Deuteronomio 3:7

jiwasanakatakisti taqi uywanakampi, taqi kunanakatix jila alanïki ukanakampik katuntastanxa.

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Josué 10:40

Ukhamaw Josué chachax taqi uka uraqinak katuntasïna. Jupax Négueb qullunkiri, pampankiri, amstankir reyinakaruw atipjäna. Taqpun tukjäna, taqiniruw jiwarayarakïna; janiw ukat jilt'irix kunas utjkänti, janirakiw maynis jakkänti, kunjämtix Israelan Tatit Diosapax jupar siskatayna ukhamaru phuqhasa.

Josué 6:21

Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Josué 6:24

Ukxarusti israelitanakax ninampiw Jericó markar phichhantapxäna, kunatix utjkäna ukanakamppacha. Ukampisa Tatitutaki imata qullqimpi, qurimpi, ukhamarak bronceta, hierrot lurat yänakaki apsupxäna.