Josué 10:8 - Qullan Arunaka DC

⁸ Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Aymar Bibliia 1986

⁸ Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Qullan Arunaca

⁸ Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 10:8 Jak'a apnaqawi uñst'ayäwi

1 Reyes 20:13

Ukchañkamasti mä profetaw Israelan Ahab reyipar uñjir saräna, juparusti akham säna: —Tatitux akham siwa: “Uka walja uñisirinakam uñjkäta ukasa, nayaw jichhürux amparamar jupanak katuyäma, ukat jumax yatïta nayan Tatitütaxa” —sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 3:2

“Ukat Tatitux nayar sarakitu: ‘Jan jumax axsaramti, nayaw jupampiru, ejercitopampiru, ukhamarak taqi markaparus amparamar katuyaskäma, ukhamat jumax kunjämtix Hesbón markan jakir amorreonakan Sihón sat reyipar lurkta, uka kipka jupar lurañamataki’ sasa.

Deuteronomio 7:24

Reyinakaparus jumanakaruw katuyapxätam, ukatsti jumanakaw jupanakarux chhaqtayapxäta aka uraqin khitis jupanakat jan amtaskiri. Janiw jupanakat khitis jumanak nayräxan sayt'asirjamäkaniti, jumanakaw taqi jupanakarux jiwarayapxäta.

Josué 10:25

ukatsti Josué chachax jupanakarux sänwa: “Jan axsarapxamti, janirak ch'amsa jiwt'ayasipxamti; jan ukasti wali ch'aman sayt'asipxam, Tatitusti jumanakan taqi uñisirinakamarux uka kipka lurarakini” sasa.

Josué 10:9

Josué chachax Guilgal chiqat mistuwayäna, aruma sarantasax akatjamat amorreonakarux katuntäna.

Josué 11:6

Ukampis Tatitux Josué chacharux sänwa: “Jan jupanakarux axsaramti, nayaw qharüru aka pacharux jupanak jumanak nayraqatan jiwarat uñjasiyä. Jumasti caballonakapan kayunakap p'akiräta, nuwasiñ carronakapsa ninampirakiw phichkatäta” sasa.

Josué 8:1

Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Jueces 6:16

Tatitusti sänwa: —Nayaw jumampiskä, madianitanakarux atipjätawa, kunjämtix mä sapa jaqiruki atipjkasma ukhama —sasa.

Jueces 7:9

Uka arumasti Tatitux Gedeonar sänwa: “Sartasim, madianitanakar katuntir saram, nayaw jupanakxa amparamaru katuyäma.

1 Samuel 17:47

taqi khitinakatix akan tantacht'atäpki ukanakaxa, Tatitun jan espadampi, jan lanzampi qhispiyatap yatipxani. Aka nuwasïwisti Tatitunkiwa, juparakiw jumanakarux nanakan amparaxar katuyapxitani —sasa.