Josué 10:41 - Qullan Arunaka DC

^41-42 Josué chachax mä kutinak reyinakarux atipjäna, ukatsti uraqinakap Cadés-barnea, Gaza, Gosen chiqata, Gabaón markakamaw katuntasïna, Israelan Tatitu Diosapaw israelitanakat arxatasax nuwasiskäna, uka layku.

Aymar Bibliia 1986

⁴¹ Josué chachasti take uca oraken jaquirinacacuw atipjäna Cades-barnea chekat Gaza sat chekacama, uqhamaraqui take Gosén sat chekanaca Gabaón chekacama.

Qullan Arunaca

⁴¹ Josué chachasti take uca oraken jaquirinacacuw atipjäna Cades-barnea chekat Gaza sat chekacama, uqhamaraqui take Gosén sat chekanaca Gabaón chekacama.

Josué 10:41 Jak'a apnaqawi uñst'ayäwi

Génesis 10:19

Cananeo jaqinakan uraqinakapasti, Guerar tuqikamaw purïna, Sidón markatpacha, Gaza sat markakama, ukhamarak Sodoma, Gomorra, Admá, Seboím markanakkama, Lesa sat uka markakamaraki.

1 Reyes 3:5

Mä arumasti, Gabaón chiqanxa, Tatituw Salomonar samkan uñstäna, juparusti akham sarakïna: “Kuntix mayiñ munkista uk mayita, nayasti churämawa” sasa.

Zacarías 9:5

“Uk uñjasasti, Ascalón markax walpun mulljasini. Gaza markasti ukhamarakiw t'aqhisini, Ecrón markan suyt'äwipax jan kunatakïniwa. ¡Gaza markax jan reyiniw qhiparani, Ascalón markasti jan jaqinakanirakiw uñjasini!

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 32:8

Uka kipkarak awkinakamax lurapxäna, jupanakar nayax Cadés-barnea chiqat uka uraqinak uñakipir khitkäyät ukkhaxa.

Números 34:4

ukatsti aynach tuqirux Acrabim sat amsta chiqakamaw sarani, Sin chiqanjam sarakipani, ukatsti Cadés-barnea chiqakamaw purini. Ukatsti Hasar-adar chiqatxa, Asmón chiqakamaw sarani,

Hechos 8:26

Uka qhipatsti, Diosan angelapaw Feliper säna: “Wasaranjam sarañatak wakichasim, aynach tuqiruw saräta, Jerusalenat Gaza markar saraqkis uka thakhinjama” sasa.

Deuteronomio 1:19

“Uka qhipatsti, Tatitun iwxanakap ist'asinxa, Horeb qullut sartawayxtan, ukatsti amorreonakan qullup tuqiruw sarapxtan. Ukatsti uka jach'a axsarkañ wasar chiqaw muytanipxaraktan, Cadés-barnea chiqar puriñkama.

Deuteronomio 2:23

Uka pachparakiw heveo sat markampix lurasïna, jupanakasti jisk'a markanakan jakapxäna Gaza uraq jak'ana, ukatsti Creta uraqit jutir filisteo jaqinakaw jupanakarux tukjäna, uraqinakap katuntasinsti ukan jakapxarakïna.)

Deuteronomio 9:23

Ukatsti kunapachatix Tatitux Cadés-barnea chiqat sartawayapxañamatak arskäna, churapktam uka uraqi katuntasir sarañataki ukapachaxa, ukhamarakiw jumanakax arsutanakapar jan ist'apktati, janiw jupar iyawsañanakamas utjkänti, janirakiw jaysapkäyätasa.

Josué 10:12

Kunapachatix Tatitux amorreonakar israelitanakan amparapar katuyxän ukkhaxa, Josué chachax marka nayraqatan Tatiturux parlxayäna, akham sasa: “Jumasti inti, Gabaón marka patar sayt'am; phaxsi, Aialón qhirwa patar sayt'am” sasa.

Josué 11:16

Josué chachax taqi uksa uraqinak katuntäna: qullu uraqinaka, Négueb sat uraqi, Gosen uraqinaka, Jordán qhirwa pampanaka, Israel markan qullu uraqinakapa, pampa uraqinakapa.

Josué 11:22

ukhamïpansti janiw Israel markanxa Anac sat jach'a tansa jaqit saraqir wawapax maynis qhiparkänti. Jan ukasti kawkïrinakatix Gaza, Gat, Asdod uka markanakan jakapkäna ukanakakiw qhiparapxäna.

Josué 15:51

Gosen, Holón Guiló uka markanaka, taqpachax tunka mayan markanakänwa, jisk'a markanakapamppacha.

Jueces 16:1

Mä urux Sansonax Gaza markaruw saräna. Ukansti jan wali sarnaqir mä warmiruw uñjäna, ukatsti utaparuw mantäna, uka arum jupampi ikiri.

Jueces 16:21

Filisteonakasti jupar katuntasin nayranakap apsupxäna, ukatxa Gaza markaruw apapxäna, ukawjansti broncet lurat cadenanakampiw ñach'antapxäna, ukatsti carcelan utjki uka molinompiw irnaqayapxäna.

1 Samuel 6:17

Kawkïr qurit lurat phisqa ch'uphunaktix filisteonakax pantjasitapat Tatitur luqtapkäna ukanakaxa, Asdod, Gaza, Ascalón, Gat, Ecrón uka markanakatänwa,