Josué 10:20 - Qullan Arunaka DC

²⁰ Kunapachatix Josué chachampi israelitanakampix amorreonakar q'alpun atipjas waljanir jiwarayapkän ukkhaxa, amorreonakat jilt'irinakax markanakaparuw imantasipxäna.

Aymar Bibliia 1986

²⁰ Cunapachatejj Josué chachajj uqhamaraqui Israel marcasa k'al amorreo marcar t'unjapjjäna waljaniru jiwarayasina ucqhajj cawquïri amorreo jakenacatï jacasipcän ucanacajj marcanacaparuw imantasipjjäna.

Qullan Arunaca

²⁰ Cunapachatejj Josué chachajj uqhamaraqui Israel marcasa k'al amorreo marcar t'unjapjjäna waljaniru jiwarayasina ucqhajj cawquïri amorreo jakenacatï jacasipcän ucanacajj marcanacaparuw imantasipjjäna.

Josué 10:20 Jak'a apnaqawi uñst'ayäwi

2 Samuel 20:6

Ukat Davidax Abisai jaqir säna: —Sebá jaqix Absalonat sipansa juk'ampi jan walinak luristani. Ukhamasti jichhpach jumax soldadonakaxan jilïripat sayt'asin jupar arktam, inampis jupax pirqanakan muyuntayat markanakan imantasisin jiwasat jaltxchispa —sasa.

1 Reyes 20:21

Israelan reyipasti sarantaskakïnwa, ukatsti sirio jaqinakan caballonakapampi, nuwasiñ carronakapampi katuntasïna, jupanakar wali ch'amamp atipjasa.

2 Crónicas 13:17

Abiam reyimpi jaqinakapampix walja jaqinakaruw jiwarayäna, ukansti israelita jaqinakatxa phisqa patak waranqa ajllita soldadonakaw jiwarapxäna.

Jeremías 4:5

“Aka arunaksti Jerusalén markana, Judá uraqin yatiyapxam; trompeta phust'as taqi markpachar yatiyapxam, wali jach'at art'apxam: ‘¡Jaqinakax uyuchrantat markanakar imantasir jaltxapxpan!’

Jeremías 8:14

Markasti sarakiniwa: “¿Kunatakis akar qhiparaskakiñäni? ¡Taqinis jach'a pirqan markanakar sarxañäni, ukan mäpita jiwarayistpan! Tatitu Diosasax jiwarayistaniwa; umt'añatakis jiwayir qullani uma churistu, jupa tuqi jucha luratas layku.

Deuteronomio 20:16

Ukampis Tatit Diosamax churkätam uka uraqin utjir markanakapanxa, janiw maynirus jakaskir jaytapxätati,

Josué 10:10

Tatituw jupanakarux israelitanakan nayraqatapan wal mulljasiyäna, ukhamaw Josué chachax Gabaón chiqan waljanir jiwarayäna. Ukatsti jupanakarux Bet-horón thakhinjam arktäna, amorreonakar jiwarayasa Azecá, Maquedá markanakar puriñkama.

Josué 10:19

Ukchañkamasti, jumanakax jan ukhamak ukan qhiparapxamti, uñisirin qhipapat arktasin katuntapxam, janirak markanakaparux kuttayapxamti, Tatitu Diosamaw jumanakarux amparanakamaru katuyapxtam” sasa.

Josué 10:21

Ukampis Israel markax jan kuna kamacht'ataw Maquedá chiqankir campamentor kuttxäna, kawkhankkäntix Josué chachax ukawjaru. Ukatsti janiw khitis kuna jan walinaksa israelitanakataki parlkxänti.

Josué 11:12

Uka pachparaki kawkïr markanakatix uka arust'äwiru mantañataki jaysapkatayna uka markanakarux luräna: markanakar katuntasax reyinakaparuw jiwarayäna, ukatsti q'alpun tukjäna, kunjämatix Tatitun luqtiripa Moisesax siskatayna ukhamarjama.

Josué 11:8

Tatitusti israelitanakarux atipt'ayänwa, ukhamasti jupanakax Sidón, Misrefot-maim jach'a markanakkamaw arktasax jalxatapxäna, inti jalsu tuqit Mispá pampa chiqakama. Taqinipuniw jiwarapxäna.

Josué 8:24

Ukxarusti kawkïri jaqinakatix jupanakar qhipat arkanipkatayna ukanakarux taqiniruw espadampkam jiwarayapxäna, israelitanakax Ai markaruw kutintanipxäna kawkïrinakatix markar qhiparapkatayna ukanakar jiwarayañataki.