Josué 10:14 - Qullan Arunaka DC

¹⁴ Uka urur uñtatax janipuniw utjkänti, janirakiw jichhas utjkaniti, kunjämtix Tatitux uka urun mä jaqin mayisitaparu jayskäna ukhamxa, Tatituw Israel markar arxatasa nuwasiskäna.

Aymar Bibliia 1986

¹⁴ Janipuniw uca urjamajj utjcänti ni jichha tiemposa ni nayra tiemposa, cunjämtï Diosajj mä jaken mayisitaparu ist'äna, ucatsti Diosaw Israel marcar arjjatasa nuwasiscäna.

Qullan Arunaca

¹⁴ Janipuniw uca urjamajj utjcänti ni jichha tiemposa ni nayra tiemposa, cunjämtï Diosajj mä jaken mayisitaparu ist'äna, ucatsti Diosaw Israel marcar arjjatasa nuwasiscäna.

Josué 10:14 Jak'a apnaqawi uñst'ayäwi

Éxodo 14:14

Jumanakax jan llakisipxamti, Tatituw jumanak lanti nuwasiskani —sasa.

Éxodo 14:25

ukhamarus carronakapan ruedanakap q'iwiräna, ukhamat k'achak sarapxañapataki. Ukham uñjasin egipcionakax sapxäna: —¡Israelitanakat jaltxañäni, Tatitupaw jupanak lanti jiwasamp nuwasiski! —sasa.

Isaías 38:8

Ahaz reyin intimpi sarir relojupanxa, ch'iwix tunka chillqinak qhipar jitt'ani. Ukatsti kunjämtix Tatitux siskatayna ukhamapuniw lurasitayna.

Zacarías 14:3

Ukatsti Tatituw uka markanakamp nuwasir misturakini, kunjämatix nuwasïwi urun nuwaski ukhama.

Lucas 17:6

Tatitusti jupanakarux sarakïnwa: —Iyawsañanakamatix mostaza jatha ukch'aki utjaspaxa, aka quqarux sapxasmawa: ‘Akat liwstam, ukat qutar ayruntasim’ sasa, uka quqasti jaysapxiristamwa.

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Josué 10:15

Ukatsti Josué chachampi israelitanakampix Guilgal chiqankki uka campamentoruw kuttanxapxäna,

Josué 23:3

Jumanakax uñjapxtawa, kunjämtix Tatitux uñisirinakamaru lurki ukxa, jupa kipkarakiw jumanakat arxatasa nuwasïna.