Josué 1:1 - Qullan Arunaka DC

¹ Tatitun luqtiripa Moisesan jiwxatapatxa, Tatitux Nun chachan Josué yuqapampiw parläna, khititix Moisesan yanapiripäki, juparusti sänwa:

Aymar Bibliia 1986

¹ Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Qullan Arunaca

¹ Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Josué 1:1 Jak'a apnaqawi uñst'ayäwi

1 Reyes 19:16

Nimsí chachan Jehú allchhiparusti Israelan reyipat utt'ayarakïta; ukatsti Abel-meholá markankir Safat chachan Eliseo yuqaparusti juma lanti profetat utt'ayäta.

2 Reyes 3:11

Josafat reyisti jiskt'änwa: —¿Janit aka chiqan Tatitun profetapax utjkpacha, jupa tuqi Tatitur jiskt'añasataki? —sasa. Ukatsti Israel reyin mayni yanapiripaw ukxar säna: —Aka jak'ankiw Safat chachan Eliseo yuqapaxa, jupax Eliasan yanapiripänwa —sasa.

Nehemías 8:17

Babilonia markat kutt'anirinakax chhujllanak lurasipxäna, ukatsti ukan jakapxarakïna. Jupanakasti wali kusisitäpxänwa, israelitanakax janiw Nun chachan Josué yuqapan urunakapatpacha khä urukamax, ukham lurapkataynati.

Éxodo 24:13

Moisesasti sartasin Diosan qulluparuw makhatäna Josué yanapiripamp chika.

Números 11:28

Ukat Josué sat Nun chachan yuqapa, khititix Moisesar waynatpach yanapkän ukax säna: —¡Moisés, tatay, uka arunak jan parlayamti! —sasa.

Números 12:7

ukampis Moisés luqtirixampix janiw ukham lurkti. Jupax taqpach luqtirinakaxat sipan aski jaqipuniwa,

Números 13:16

Ukanakaw Moisesan khithat jilïr jaqinakan sutinakapaxa, jupanakarusti Canaán uraqi uñakipiriw khithäna. Oseas sat Nun chachan yuqaparux Josué sutimpiw Moisesax sutichäna.

Números 13:8

Efraín ayllutxa, Oseas sat Nun chachan yuqapa;

Lucas 16:10

“Khititix juk'a apnaqañan chiqapäki ukax, walja apnaqañan chiqaparakiwa; juk'a apnaqañan jan chiqapäki ukasti, walja apnaqañan janirakiw chiqapäkiti.

Hechos 7:45

Nayra awkinakasax mä tutïkaspas ukham uka arust'äwi arca katuqapxäna. Josué chachamp chika jutirinakaw uka arust'äwi arca apanipxäna, yaqha markankir jaqinakan uraqinakap katuntapkän ukapacha, uka uraqinkir jaqinakarusti Diosax ananukünwa, israelit jaqinakar uka uraqinakap churañataki. Arust'äwi lurat arcasti David reyin urunakapkamaw ukankäna.

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

Deuteronomio 1:38

Juma lantisti Josué yanapirimaw mantani. Jichhasti jupar ch'amañcht'am, jupaw aka uraqinak Israel markar katuyani.

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Deuteronomio 31:3

Ukampis Tatit Diosamaw jumanakan nayräxam sarani, juman nayräxamatsa uka markanakar t'unjarakini, uraqipan jakapxañamataki. Josué chachaw jumanakan nayraqatam sarani, jupasti Tatitux siski ukhamarjam jach'a jilïrit utt'ayatawa.

Deuteronomio 33:1

Moisesax Diosar luqtir mä jach'a profetänwa. Janïra jiwkasin jupax israelitanakar aski arunak arsüna,

Deuteronomio 34:12

Janipuniw khitis Moisesat sipan juk'amp ch'amanix utjkänti, janirakiw kuna jach'a luräwinaktix israelitanakan uñjkañ lurkän uka kipka luriris utjkänti.

Deuteronomio 34:5

Ukhamaw Tatitun luqtiripa Moisesax, Moab uraqin jiwxäna, kamisatix Tatitux siskatayna ukhamarjama.

Deuteronomio 34:9

Janïr jiwkasasti, Moisesax Josué chachan p'iqipxarux amparap luqxatäna, Diosasti yatiñ kankañampiw jupar phuqt'äna. Ukat israelitanakax Josué chachar jaysapxäna, ukatsti kamisatix Tatitux Moisesar iwxawaykatayna ukhamarjamaw phuqhapxarakïna.

Tito 1:1

Naya Pablox Tatitun luqtiripätwa, Jesucriston apostolupa, jupan khithataraki, khitinakarutix Tatitux ajlliski jupanakar iyawsañar irpaniñaxataki, Tatitun chiqa yatichäwinakap uñt'apxañapataki,

Santiago 1:1

Naya Santiago, Jesucristo Tatitu Diosan luqtiripa, Israelan tunka payan ayllunakaparu, aka uraqpachan ch'iqitatatäpki ukanakaruw aruntanipxsma.

Josué 1:15

Tatitun jupanakaru samaraña churañapkama, kunjämtix jumanakar churapktam ukhama, kawkïr uraqtix Tatitux churkani uka uraqin jupanakankañapkama. Ukatsti jumanakax jawirat akkatanki uka uraqinakamaruw kuttanxapxäta, kawkharutix Tatitun luqtiripa Moisesax churapktam uka uraqi wiñayatak katuntasipxañamataki —sasa.

Josué 1:2

“Moisés luqtirixax jiwxiwa, jichhasti jumaruw taqi israelit jaqinakampix Jordán jawir makhatañax wakt'tam, kawkïri uraqtix jumanakar churapkäma ukar sarañataki.

Josué 12:6

Moisesampi israelitanakampix uka reyinakaruw atipjäna, ukatsti Moisesax uka uraqinak Rubén, Gad uka ayllunkirinakaruw churäna, ukhamarak Manasés ayllunkirinakat chikat jaqiparu.

Apocalipsis 1:18

jakaskaraktwa. Nayax jiwatäyätwa, jichhasti wiñayatakiw jakaskta. Nayaw jiwampina, manqha pachampin jist'arañanakap katuskta.