Jonás 1:5 - Qullan Arunaka DC

⁵ Barco apnaqirinakasti wal axsarayasipxäna, sapa maynirakiw diosapar art'asïna. Ukatsti barcon phisnakïñapatakixa, taqpach q'ipinak qutarkamaw jaquntapxäna. Ukchañkamasti Jonasax barcon q'ipinak uchañ manqhar mantasin, wali sum ikt'asiskäna.

Aymar Bibliia 1986

⁵ Barco apnakerinacasti wali ajjsarayasjjapjjäna, sapa mayniraquiw diosaparu art'asipjjäna. Ucatsti barcon phisnaqui tucuñapataquejja take carganacwa kotaru willintjjapjjäna. Uccañcamasti Jonasajj carganac uchañ mankharu mantjjasinsti, walipuniw ict'asiscäna ucanjja.

Qullan Arunaca

⁵ Barco apnakerinacasti wali ajjsarayasjjapjjäna, sapa mayniraquiw diosaparu art'asipjjäna. Ucatsti barcon phisnaqui tucuñapataquejja take carganacwa kotaru willintjjapjjäna. Uccañcamasti Jonasajj carganac uchañ mankharu mantjjasinsti, walipuniw ict'asiscäna ucanjja.

Jonás 1:5 Jak'a apnaqawi uñst'ayäwi

1 Reyes 18:26

Baal diosan profetanakapasti, jupanakar churat vaca qallu katusin wakt'ayapxäna, ukatsti willjtata chika urukamaw Baal diosapar jach'at arnaqasipxäna: “¡Baal ist'apxita!” sasa. Jupanakasti lurapkatayna uka altar thiyan, thuqtas thuqtasaw muyupxäna, ukampis janiw kuna arus ist'askänti.

Job 2:4

Ukat juchañchir angelax Tatitur sarakïna: —Mä jaqin jakañaptix jan khitis llamkt'kani ukaxa, jupatakix taqi kunas walikïskaniwa, ukampisa jaqix jakañap qhispiyasiñ laykux kuns lurakispawa.

Salmos 107:25

Tatitun arsutaparjamaw jach'a thayax sartäna, thayasti jach'a mathapinak sartayäna;

Salmos 148:8

¡Tatitur jach'añchapxam, q'ixu q'ixu, chhijchhi, khunu, urpu! ¡Arunakap jaysir jach'a thaya!

Eclesiastés 3:6

Thaqhañ pacha, chhaqhayañ pacha. Imañ pacha, jaqtañ pacha.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!

Jonás 1:14

Ukatsti Tatituruw art'asipxäna: “Tatay, aka jaqin juchap laykux janikiy jiwañanakax munamti, aka jaqitix jan juchanïkasin jiwani ukkhasa, janirakï juchañchapxistati, ukampis jumax Tatay, munañamaruw lurtaxa” sasa.

Jonás 1:16

Ukham uñjasasti, barco apnaqirinakax Tatituruw yupaychapxäna, mä wilañcha luqtapxäna, luräwinak phuqhañatakiw arsupxarakïna.

Jonás 1:6

Barco apnaqir capitanasti Jonasar jak'achasisax sänwa: —¿Kunatarak akan ikisktasti? ¡Sartasim, Diosamar art'asim! Inach khuyapt'ayasisin qhispiyaskistani —sasa.

Mateo 25:5

Jaqichasir waynan jan jank'a purinipansti, taqiniruw ikix purxäna, ukat jupanakax ikirxapxäna.

Mateo 26:43

Mayampi kutinisinsti, yatiqirinakapar ikiraskir jikxatarakikïna, jupanakan ikimp wali atipjatätap layku.

Mateo 26:45

Ukatsti Jesusax yatiqirinakapan ukaruw kuttanxäna, jupanakarusti sarakïnwa: —¿Jichhakam ikisipkaktati? Pachax purinxiwa, Jaqin Yuqapan juchararanakan amparapar katuyatäñapataki.

Hechos 27:38

Taqinin manqt'asxatapatsti, barcon phisnakïñapatak umaruw jilt'askir trigo warantapxta.

Jueces 16:19

Dalilasti Sansonarux jarphipxaruw ikjayäna, ukatsti mä chachar jawsasin paqallqu pichikanakap khuchhurayäna. Ukatsti Dalilax khuy aka wayunaqasin,

1 Samuel 24:3

3 (4) Sarkasinsti mä oveja uyunakawjaruw purïna. Uka jak'ansti mä putuw utjäna, ukan Davidampi jaqinakapampix imantasitäsipkäna. Saúl reyisti uka puturux yaq'art'iriw mantäna,