Jonás 1:17 - Qullan Arunaka DC

¹⁷ 17 (1) Ukchañkamasti, Tatitux Jonasar uquntañapatakix mä jach'a chawlla wakichäna. Ukhamat Jonasax kimsa urumpi kimsa arumampi chawlla purak manqhan jikxatasïna.

Aymar Bibliia 1986

¹⁷ Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Qullan Arunaca

¹⁷ Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 1:17 Jak'a apnaqawi uñst'ayäwi

Génesis 1:21

Arsutapasti ukhamapuniw phuqhasïna. Diosasti qutan jakir wali jach'a axsarkay animalanak usküna, qutan kunayman jakir animalanakampi, ukhamarak kunayman jamach'inakampi. Diosasti ukanakan wali sumätap uñjäna.

Jonás 2:10

10 (11) Ukatsti Tatitux chawllaruw mayïna Jonasar waña uraqir waq'sxañapataki.

Jonás 4:6

Tatit Diosasti Jonasan p'iqipxar ch'iwxatañapatakix mä ali jilsuyäna, ukhamat kusisit jikxatasiñapataki; Jonasasti uka ali utjatapatxa wali kusisitänwa.

Habacuc 3:2

Tatay, kuntix juma tuqit ist'ktxa, ukhamarak taqi luräwinakamatsa, ukasti nayatakix wali muspharkañawa. Kunja jach'a luräwinaktix khä urunakan lurkäyäta ukanakxa, jichhax jakawinakaxan lurakimaya, ukhamat nanakax uka luräwinakam uñt'apxañaxataki. Phiñasiñaman jikxataskasasa, khuyapt'ayasiñam uñacht'ayapxita.

Mateo 12:40

Kunjämtix Jonasax kimsa urumpi kimsa arumampix mä jach'a chawllan purakapankänxa, uka kipkarakiw jaqin Yuqapax kimsa urumpi kimsa arumampi uraq manqhankani.

Mateo 16:4

Dios nayraqatan jan wali sarnaqir aka jaqinakax mä unañcha mayipxi; ukampis janiw yaqha unañchax Jonasan unañchapat sipan churaskxaniti” sasa. Uk sasinsti, Jesusax jupanakar jaytanukuwayasin sarawayxäna.

Lucas 11:30

Kamisatix Jonasax Nínive markan jakir jaqinakatakix mä unañchänxa, ukhamarakiw Jaqin Yuqapax jichha urunakan jaqinakatakix mä unañchäni.