Joel 3:5 - Qullan Arunaka DC

⁵ 5 (5) Jumanakax qullqixsa, qurixsa, lunthatawayapxistawa, suma imasit yänakaxsti yaqha diosanakar yupaychañ utanakamaruw apasxapxtaxa.

Aymar Bibliia 1986

⁵ Jumanacajj kollkejjsa, korejjsa lunthatawayapjjestawa, suma imasitanacajjsti jumanacan templomaruraquiw apasjjapjjtajja.

Qullan Arunaca

⁵ Jumanacajj kollkejjsa, korejjsa lunthatawayapjjestawa, suma imasitanacajjsti jumanacan templomaruraquiw apasjjapjjtajja.

Joel 3:5 Jak'a apnaqawi uñst'ayäwi

2 Reyes 12:18

18 (19) Ukampis Judá markankir Joás reyix, kawkïr qullan yänaktix Josafat, Joram, Ocozías nayra reyinakax Judá uraqin Tatitun utapatak luqtapkatayna uka yänak taqpach apthapïna; ukatsti kawkïr yänaktix jupa pachpas Tatitur luqtkatayna ukanaka, ukhamaraki Tatitun utapampina, reyin utapampin imat qurix utjkäna ukamppach apthapïna, ukatsti taqi ukanak mayaruk apthapisaw Hazael reyin ukar apayäna, ukanak katuqasin uka reyix Jerusalén markar katuntañ suyt'xäna.

2 Reyes 16:8

Ukxarusti Ahaz reyix, kuna qullqimpi, qurimpitix Tatitun utapana, ukhamaraki reyin utapan utjkatayna ukanak katusin, Asiriankir reyir waxt'añatakiw apayäna,

2 Reyes 24:13

Ukatsti Nabucodonosor reyix Tatitun utapata, ukhamaraki reyi utat taqpach imat yänak apsuwayäna, ukatsti, kunjämtix Tatitux yatiykatayna ukhamarjamaw qurit lurat taqi yänak p'akiräna, kuna yänaktix Israelan Salomón reyipax Tatitun utapatak luraykatayna ukanaka.

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Jeremías 23:7

Tatitusti siwa: “Juramentonak jan lurañ urusti purininiwa, akham sasa: ‘Egipto markat israelitanakar apsunir Tatitux jakaskiwa’ sasa,

Jeremías 50:28

(Babiloniat jaltanxir jaqinakaw Jerusalén markarux purinipxi, kunjämsa Tatitu Diosax Babilonia markarux Tatitun utap t'unjapxatapat q'al tukjkarakitayna ukanakat yatiyiri.)

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Ezequiel 37:12

Jichhax walikiwa, ukampis nayan sutixar parlam, akham sasa: ‘Tatitux akham siwa: Nayan markaxa, jumanakax sepulturan allintatjamaw uñjasipxtaxa, ukampis nayaw jumanakarux ukat apsunxapxäma, ukatsti Israel uraqiruw kuttayanxapxäma.

Daniel (hebreo) 11:38

Ukampisa, uyuchrantat markanakan diosaparuw yupaychani; janiw nayra awkinakapas uka diosaru yupaychapkänti, uka diosarusti quri, qullqi, suma k'ajkir qalanaka, jila alan yänakamp luqtarakini.

Abdías 1:17

Ukampis Sión qullux mä qullana chiqawjäniwa, ukaruw yaqhipanakax jaltxapxani. Jacobun wawanakapasti uraqinakap wasitat kutkatayasxapxani;