Joel 2:31 - Qullan Arunaka DC

³¹ 31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Aymar Bibliia 1986

³¹ Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Qullan Arunaca

³¹ Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 2:31 Jak'a apnaqawi uñst'ayäwi

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Ezequiel 32:7

Nayax jumar t'unjkäma ukkhasti alaxpachas ch'amakt'aniwa, warawaranakas ch'amakt'aniwa, intirus qinayanakampiw chhaqtayä, phaxsis janirakiw juk'ampi qhankxaniti.

Joel 2:1

Jerusalén markan trompet phust'apxam; Tatitun utapan jach'at phust'apxam. Judá markan utjirinakas taqin khathatipxpan, Tatitun urupaw jak'achasisinki:

Joel 2:10

Aka uraqisti jupanak uñjasax khathatiwa, alaxpachas axsarañat chhijthaptiwa, intisa, phaxsis ch'amakt'xiwa, warawaranakas janirakiw sum k'ajtkxiti.

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Joel 3:1

1 (1) Tatitusti siwa: “Kunapachatix uka urux purinkani ukkhaxa, Judá markampiru, Jerusalén markampirux kuttayanxäwa.

Joel 3:15

15 (15) Tatitux purinkani uka uruxa, intisa, phaxsis ch'amakt'aniwa, warawaranakas janiw k'ajtkxaniti.

Zacarías 14:6

Uka urux janiw thayasa juyphisa utjkaniti.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Malaquías 4:5

5 (23) “Kunürutix nayax mutuyapkäma uka uru janïra purinkipanxa, nayax Elías profetaruw khithanipxäma.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Mateo 27:45

Ukapachasti chikürut chika jayp'ukamaw taqpach uraqix ch'amakt'äna.

Lucas 21:25

“Ukapachax unañchanakaw uñstani: intina, phaxsina, warawaranakana; uraqinsti jaqinakax mayjt'atäpxaniwa, quta mathapinakan qhuthutitapat wal mulljasipxani.

Hechos 2:20

Tatitun jach'a qhapaq urupa janïr purinkipansti, intix ch'amakt'aniwa, phaxsis wilaruw tukuni.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.