Joel 2:30 - Qullan Arunaka DC

³⁰ 30 (3) alaxpachansti jach'a muspharkañanak uñacht'ayä, aka uraqinsti wilampi, ninampi, jiwq'i qinayanakamp uñacht'ayarakï.

Aymar Bibliia 1986

³⁰ alajjpachanacansti jach'a muspharcañanacwa uñacht'ayaraquëjja, orakensti wila, nina, uqhamarac jewk'e kenayanac uñacht'ayaraquï.

Qullan Arunaca

³⁰ alajjpachanacansti jach'a muspharcañanacwa uñacht'ayaraquëjja, orakensti wila, nina, uqhamarac jewk'e kenayanac uñacht'ayaraquï.

Joel 2:30 Jak'a apnaqawi uñst'ayäwi

Génesis 19:28

ukatsti Sodoma, Gomorra markanak uñtäna, ukhamarak taqi uka qhirwa tuqinak uñtarakïna, uksa tuqit walt'at jiwq'i makhatir uñjäna, mä jach'a hornotsa nina jiwq'ix mistkaspa ukhama.

Cantar de los cantares 3:6

¿Kunarak wasar tuqit jutki ukasti? Mä jach'a jiwq'ir uñtatawa, panqar q'aphinak taypinjama, incienso q'aphichata taypinjama, ukhamarak suma q'apkir qullanakan q'aphip taypinjam jutanti.

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Zacarías 14:6

Uka urux janiw thayasa juyphisa utjkaniti.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Lucas 21:11

Taqi chiqan uraq khathatinaka, manq'at awtjayasiñanaka, usunakampiw utjani, alaxpachansti mulljaskañanakampi, jach'a unañchanakampiw uñjasini.

Josué 8:20

Kunapachatix Ai markankir jaqinakax qhipa tuqir uñtanipkän ukkhasti, markapax nina nakhaskiri jiwq'isti chika alaxpachkam makhataskir uñjapxäna, janirakiw jupanakax kawksarus jaltirjamäpkänti, kawkïr israelitanakatix wasar tuqir jaltapkäna ukanakax kuttanisin jupanakaruw kutxatapxäna.

Apocalipsis 18:18

Uka markan nakhatapat jiwq'i mistur uñjasasti, jach'at art'apxarakïna: “¡Janipuniw Babilonia markjam wali ch'amanix utjkänti!” sasa.

Apocalipsis 18:9

Akapachankir reyinakasti, nina jiwq'i uñjasax uka warmit wal jachapxani, jakhusipxarakini, jupampi q'añusipxatap layku, k'achachasiñanakar katuyasipxatap layku.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.

Jueces 20:38

Markar katuntañatak imantasitäpkän ukanakasti, mayni israelitanakampiw mä amtäwir mantapxatayna, kunapachatix marka katuntapkani ukapachax mä jach'a nina jiwq'i tuqi yatiyañataki.

Jueces 20:40

ukampis ukapachaw jiwq'ix marka taypit mistunïna, benjaminitanakasti qhipa tuqir uñtasinxa, markata jiwq'impi nina lawranakampi alaxpachkam makhatiri uñjapxäna.