Joel 2:26 - Qullan Arunaka DC

²⁶ Jumanakasti sist'asiñkamaw manq'apxäta, Tatitu Diosamarurakiw yupaychapxäta, nayasti jumanakatakix jach'a muspharkañanak lurta. Markaxasti janipuniw mayampis p'inqachatäkxaniti,

Aymar Bibliia 1986

²⁶ Jumanacasti sist'asiñcamaw mank'apjjäta, ucatsti Tatitu Diosamaruraquiw yupaychapjjäta, nayasti jumanacataquejj jach'a muspharcañanacwa lurtjja. Marcajjasti janipuniw mayampisa p'enkachat uñjascjjaniti,

Qullan Arunaca

²⁶ Jumanacasti sist'asiñcamaw mank'apjjäta, ucatsti Tatitu Diosamaruraquiw yupaychapjjäta, nayasti jumanacataquejj jach'a muspharcañanacwa lurtjja. Marcajjasti janipuniw mayampisa p'enkachat uñjascjjaniti,

Joel 2:26 Jak'a apnaqawi uñst'ayäwi

Génesis 33:11

Jumataki apankta uka churäwi katuqt'akitaya, Diosaw nayarux qamir tukuyitu, janiw kunas pist'kituti —sasa. Jacobux sintpun achikt'äna, ukat Esaú jilapax iyawsas uka churäwinak katuqäna;

Nehemías 9:25

Israel markax suma uraqinak katuntasïna, pirqamp muyuntat markanaka, suma yänakan phuqt'at utanaka, phujunaka, uva yapunaka, olivo yapunaka, walja yaqha achunak churir quqanak katuntasirakïna; sist'asiñkamaw ukat manq'asipxäna, lik'intapxarakïnwa, juman jach'a munasiñamat kusisipxarakïna.

Salmos 103:5

Tatituw askinakamp kusisiyitu, pakar uñtat machaqar tukuyarakitu.

Salmos 116:7

Jichhakuchapï samart'at jikxatasxäxa, Tatitun nayat khuyapayasitap layku,

Salmos 13:6

6 (6b) ¡Tatituruw nayax aski luratapat q'uchü!

Salmos 22:26

26 (27) T'aqhisiyat jaqinaka, sist'asiñkam manq'apxam; Tatitur thaqhirinaka, jupar yupaychapxam, walja maranak jakapxarakim.

Salmos 37:19

Jan wali urunakan manq'añax jan utjkani ukkhaxa, janiw p'inqachatäpkaniti, manq'añapasti jilarkiripunïniwa.

Salmos 67:5

5 (6) Diosay, markanakax jumar yupaychapxpan, ¡taqpach markanak jumarux jach'añchapxpan!

Salmos 72:18

Israelan Tatit Diosapax jach'añchatäpan, jupakiw muspharkañanak luririxa;

Proverbios 13:25

Aski jaqix sist'asiñkamaw manqt'asi, ñanqha lurir jaqisti manq'atsa awtjataw sarnaqi.

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Isaías 25:1

Tatay, jumätaw nayan Diosaxaxa; nayax jumaruw yupaychsma, muspharkañ amtatanakam phuqhatamata, nayra pachatpach ukanakan chiqätapata, sutimsa jach'aruw aptarakta.

Isaías 29:22

Ukatpï Israelan Tatitu Diosapaxa, Abrahamar qhispïykän ukax sixa: “Akat uksarux Jacobux janiw kunatsa p'inqaskxaniti, janirakiw ajanupas wilaptkxaniti,

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 49:23

Reyinakaw jumanakar uywasir awkinakamäni, reyinakan phuchhanakapasti wawa uywirinakamarakïniwa. Jupanakasti juma nayraqatan uraqkamaw alt'asipxani, laq'arar kayunakamsa jamp'att'apxarakïtamwa. Ukapachaw jumax nayan Tatitütax yatïta, khitinakatix nayar iyawsapki ukanakasti, janiw p'inqachjat uñjasipkiti.”

Isaías 54:4

Jan axsaramti, janiw mä p'inqa uñjaskätati, janiw kuna jan wali arunaksa sapkätamti, janirakiw kunatsa p'inqaskxätati. Tawaqu kankañaman p'inqachatäkäyät uk armasxätawa, janirakiw mayampsa ijma warmirjam jisk'achapkäyätam uksa amtaskxätati.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Levítico 25:19

uraqix suma achunak churani, jumanakasti uka uraqin kusisitaw jakasipxäta, uka achunaksa sist'asiñkamaw manq'asipxarakïta.

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Levítico 26:5

trigosti jumanakatakix uvanak apthapiñkamaw utjani, uvanakas yapuchañ urukamaw utjarakini; sist'asiñkamaw t'ant'sa manq'apxäta, markamansti wali sumanarak utjasipxäta.

Miqueas 6:14

Manq'askätawa, ukampis janiw sist'askätati, manq'atxa awtjayasiskakïtawa; taqi kunsa apthapiskätawa, ukampis jan kunanikiw uñjasiskäta, kunsa jikxatäta ukkhaxa, nuwasïwimpiw taqi ukanak t'unjayä.

Sofonías 3:11

Uka urunsti, nayan Jerusalén markaxa, naya tuqi sayt'asitamatxa, kunayman luratanakampi nayar qallkatatamat janiw p'inqaskxätati, nayaw uka jach'a jach'a tukuri jaqinakarux juma thiyat apaqxäma, ukatsti nayan qullan qulluxanxa, janiw mayampis jach'a jach'a tukxätati.

Zacarías 9:15

Taqi ch'amani Tatituw jupankirinakarux imani, jupanakasti q'urawt'anita qalanaksa takichasipxaniwa, uñisirinakaparusti jiwarayapxaniwa; atipjäwipat kusisiñatakisti mä jach'a manq'äwi lurapxani. Umjasiñkamaw umapxani; qirunakap vinompi phuqharapxani, kunjämtix altarar warxatañatak wilax qirunakar phuqharatäki ukhama.

Zacarías 9:17

¡Kunja sumakïkani uka markaxa! Trigopasa, vinopas walja utjatap laykusti, yuqall wawanakasasa, imill wawanakasas sumapuniw jilarapxani.

Romanos 10:11

Qillqatasti siwa: “Jupar iyawsirix janiw pantjaskaniti” sasa.

Romanos 5:5

Uka suyt'äwix janiw inamayäkiti, Diosasti chuymanakasarux Qullan Ajayu churkistu uka tuqiw munasiñapamp phuqt'istu.

Romanos 9:33

kamisatix Qillqatan siski: “Nayax Jerusalén markan mä qala uskta, uka qalaruw lanktasipxani; uka qalar iyawsirinakasti janiw sallqxatäpkaniti” sasa.

Deuteronomio 11:15

ukhamat jumanakax suma manq'at sarnaqapxäta, uywanakaman manq'añapatakisti pampanakaman ch'uxñanak jilayarakini.

Deuteronomio 12:12

Ukatsti mä jach'a kusisiñ uru jumanakax Tatit Diosaman nayraqatapan lurapxäta taqi wawanakamampi, uywatanakamampi chika, jumanak taypin jakir levita jaqinakamp chika, jupanakasti janiw jumanak taypin kuna uraqinaksa katuqapkiti.

Deuteronomio 12:18

Jan ukasti Tatit Diosaman nayraqatapana, jupan ajllisita chiqawjanak manq'apxäta; Tatit Diosaman nayraqatapan wawanakamampi, taqi uywatanakamampi, jumanak taypin jakir levitanakamp chikaw taqi irnaqäwiman achunakapat kusisipxäta.

Deuteronomio 12:7

Uka chiqan Tatit Diosaman nayraqatapan manq'apxäta, ukatsti wila masinakamamp chikaw kusisipxarakïta, irnaqäwinakamamp jikxatat achunakata, Diosaman aski waxt'äwinak jumanakar churatapata.

Deuteronomio 8:10

Ukatsti kunapachatix manq'asxapxäta sist'asipxarakïta ukkhaxa, Tatit Diosamaruw yupaychapxäta uka suma uraqi jumanakar churatapata.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

1 Juan 2:28

Jichhasti wawanaka, Cristompix mayak jakapxam, ukhamat kunapachatix uñstankan ukkhax iyawsañasax utjañapataki, ukatsti kunapachatix jutkan ukkhax, jupan nayraqatapan jan mä p'inqa tukuskañasataki.