Joel 2:20 - Qullan Arunaka DC

²⁰ Amsta tuqit jutir t'iju t'ijunaksa jumanakat wasararuw apanukü. Nayraqat saririnakapsti Mar Muerto sat qutan axskatayä, qhipa saririnakapsti Mediterráneo sat jach'a qutan axskatayarakï, janchinakapas ñusantasax jan wal q'aphini. ¡Nayax jach'a luräwinak lurä!”

Aymar Bibliia 1986

²⁰ Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”

Qullan Arunaca

²⁰ Amsta toketa jutir t'ijut'ijunacsa jumanacatjja jayaruw apanucuraquï, wasararuraquiw apanucü. Nayrakata saririnacapsti Mar Muerto kotan jiwarayaraquï, khepa saririnacsti Mediterráneo jach'a kotan jiwarayaraquï, janchinacapasti ñusantaniwa, ucatsti wal k'aphipjjaraquini. ¡Jach'a luräwinacwa luräjja!”

Joel 2:20 Jak'a apnaqawi uñst'ayäwi

2 Reyes 8:13

Hazael chachasti sänwa: —¿Kamisarak ukanak luririststi? ¡Nayax mä jan yäqat anur uñtatakïtwa! —sasa. Eliseosti sarakïnwa: —Tatituw nayar yatiyitu, jumax Siria markan reyipäyätawa —sasa.

Salmos 126:3

Jïsa, Tatitux jach'a luräwinak lurarapistu, jiwasanakasti wali kusisitäpxäyätanwa.

Éxodo 10:19

Ukatsti Tatitux inti jalanta tuqit wali thayt'ayanirakïna, uka thayaw t'iju t'ijunakar apasxasin Mar Rojo sat qutar jaquntxäna. Janiw mä t'iju t'ijus taqpach Egipto uraqin utjkxänti.

Éxodo 8:14

14 (10) Egipcionakasti jiwat jamp'atunakxa qut qutu apthapipxäna, uraqisti walpun thujsäna.

Isaías 34:3

Jiwatanakax apanukutäpxaniwa, uka jiwatanakan janchinakapasti walpun thujsani, qullunakansa wilax jawirjamaw jalarakini.

Ezequiel 47:18

“Inti jalsu tuqitsti, Haurán, Damasco sata uka markanakat qurpax sartanini, Tamar sata markakamaw purini, ukasti Mar Muerto sat quta jak'ankiwa, Galaad sata uka uraqimpi, Israel uraqimpi qurpapsti, Jordán jawiraw jaljarakini.

Amós 4:10

“Egipto markar apaykäyäta uka pachpa t'aqhisiñ jumanakarux apayanipxsma, waynanakarusti nuwasïwinakan jiwarayta, caballonakapsti uñisirinakaruw katxaruyta; nuwasïwin jiwaratanakan q'aphinakapsa mukhirayaraktwa, ¡ukampis jumanakax janiw nayan ukarux kuttanipktati!” Tatitux ukham siwa.

Zacarías 14:8

Ukkhasti Jerusalén uraqitxa suma q'uma umaw jalsuni, uka umax juyphi pachasa junt'u pachasa jalaskakiniwa, mä chikat umax Mar Muerto sat qutakamaw jalani, mä chikatasti Mediterráneo sat jach'a qutakamaw jalarakini.

Malaquías 3:11

Janirakiw kuna laq'unakas yapunakamarux tukjkaniti, uva yapunakamas wañskarakiniti.

Deuteronomio 11:24

Kawkharutix jumanakan kayunakamax takt'kani ukawjax jumanakankaniwa. Uraqinakaman qurpanakapax wasarat qalltasin Líbano uraqkamäniwa; ukatsti Éufrates jawirata Mar Mediterráneo jach'a qutakamäniwa.