Jeremías 9:25 - Qullan Arunaka DC

²⁵ 25 (24) Tatitux siwa: “Kawkïr markanakatix janchin circuncisión katuqapki uka markanakar mutuyañ urux niyaw purinxi:

Aymar Bibliia 1986

²⁵ Tatitusti siwa: “Purininiw mä urojja, cunürutejj take janchin circuncidasiri marcanacaru mutuycä uca urojja;

Qullan Arunaca

²⁵ Tatitusti siwa: “Purininiw mä urojja, cunürutejj take janchin circuncidasiri marcanacaru mutuycä uca urojja;

Jeremías 9:25 Jak'a apnaqawi uñst'ayäwi

Jeremías 25:23

Dedán, Tema, Buz, uka markanakan reyinakaparusa;

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 49:32

¡Camellonakapsa, taqi uywanakapsa lunthatjapxam! Taqi tuqiruw jupanak ananukü, p'iqi parapat ñik'ut murusir markarux; taqi tuqit jupanakatakix jan walt'añanak apayanï. Naya, Tatituw uk arsta.

Ezequiel 28:10

Jaya markat jutir jaqinakaw jiwayapxätam, kunjämatix Tatitur jan uñt'irinakax jiwarapki ukhama. Naya, Tatituw uk arsta; arsutaxsti phuqhapunïwa’ ” sasa.

Ezequiel 31:18

Edenankir quqanakatsti janipuniw maynis jumampi uñtasirix utjkänti. Janipuniw maynis jumjam jach'a, wali sumasa utjkänti. Ukampisa, Edenankir yaqha quqanakamp chikaw uka manqha pachar jaquranttäta, ukan Tatitur jan uñt'irinakampi, nuwasïwin jiwirinakampi chikax jakarakïta. “ ‘Uka quqasti faraón reyimpi, taqi jaqinakapampiruw uñtasi. Naya, Tatituw uk arsta.’ ”

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Levítico 19:27

“Jan ñik'utanakam muypach mururasipxamti, janirak sunkhanakamsa taqpach mururasipxamti.

Levítico 26:41

nayasti jumanakar jan walt'ayañatakiw uñisirinakaman markapar apayapxäma; ukan Diosar jan uñt'ir amuyumax jisk'achat uñjasini, juchanakamatsa mutuyatäpxarakïtawa.

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Romanos 2:28

Ukampis judío jaqït sañax janiw patxa chuymakïñapäkiti; circuncisión katuqañas janiw janchin circuncisión katuqañakïkiti.

Romanos 2:29

Jan ukasti chiqpach judío jaqïñax, taqi chuymampi iyawsañawa. Circuncisión katuqañasti chuymatäñapawa. Ukasti janiw kuna kamachitsa jutkiti, jan ukasti ajayutwa juti. Khititix ukhamäki ukax Diosampi katuqatawa, janiw jaqinakampiti.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.