Jeremías 9:24 - Qullan Arunaka DC

²⁴ 24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Aymar Bibliia 1986

²⁴ Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Qullan Arunaca

²⁴ Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Jeremías 9:24 Jak'a apnaqawi uñst'ayäwi

Salmos 20:7

7 (8) Yaqhipanakax nuwasiñ carronakanïpxiwa, yaqhanakasti walja caballonakanïpxiwa; jiwasanakasti Tatit Diosasan yanapt'apanïtanwa.

Salmos 34:2

2 (3) Ajayuxax Tatitunkasaw jach'achasi; ¡llamp'u chuymaninaka, ist'apxam, kusisipxam!

Salmos 34:3

3 (4) Tatitun jach'a kankañap taqpachan yupaychapxañäni.

Salmos 44:8

8 (9) ¡Tatit Diosay, wiñayaw jumat jach'añchasipxä, sutimarus wiñayaw yupaychapxarakï!

Salmos 44:9

9 (10) Jichhax juman apanukutaw uñjasipxta; mä p'inqa tukuyapxarakista. Nuwasir tamaxampi chikax janiw mistkxtati.

Salmos 51:1

1 (3) Dios Tatay, munasiñam laykuy khuyapt'ayasita; khuyapayasirïtam laykuy juchanakaxat pampachita.

Salmos 91:14

“Nayar munasitap laykusti, juparux qhispiyäwa, nayar uñt'atap laykusti, juparux imarakïwa.

Salmos 99:4

Jumax ch'aman reyïtawa; aski kankañar munasirïtawa; jumaw chiqap sarnaqañ uñstaytaxa. Jumaw Jacobun wawanakaparux sum uñjtaxa, chiqaparuw taqi kuns tariptaxa.

Isaías 20:5

Yaqha markanakax Etiopía markaruw alkatasipxäna, Egipto markatsa jach'a jach'aw tukupxäna, uka urusti, ukham lurapxatapat p'inqasxapxaniwa, walrak axsarapxani.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 45:25

Nayïpan taqi Israel markax atipjani, nayankatapatsti wal kusisirakini.”

Isaías 61:8

Tatitusti kunatix chiqapäki uk muni, lunthatasiñampi, jaqi jiwayañampirux uñisiwa. Jupaw jumanakarux kunatix churañäki uk taqi chuyma churapxätam, ukatsti mä wiñay arust'äwi jumanakampix lurani.

Jeremías 22:16

T'aqhisiyatanakarusa, jan kunaninakarus arxatarakïnwa, ukat taqi kunas jupatakix walt'arakïna. Ukapï nayar uñt'añaxa. Naya, Tatituw uk arsta.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Romanos 5:11

Janiw ukakïkiti, jan ukasti Diosankxasinxa, Jesucristo Tatitus tuqiw kusisiraktan, Cristo tuqi Diosampi sumankthapitas layku.

1 Corintios 1:31

Kunjämtix Qillqatax siski ukarjama: “Maynitix jach'achasiñ munchixa, Tatitut jach'achaspan” sasa.

2 Corintios 10:17

Maynitix jach'achasiñ munchixa, Cristot jach'achaspan.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Gálatas 6:14

Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Filipenses 3:3

chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.