Jeremías 9:23 - Qullan Arunaka DC

²³ 23 (22) Tatitux siwa: “Yatiñan jaqix yatiñapampix jan jach'a jach'a tukpati, munañanisa munañanïtapatxa jan jach'a jach'a tukpati, qamiris qamir yänakapat janirak jach'a jach'a tukpati.

Aymar Bibliia 1986

²³ Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Qullan Arunaca

²³ Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Jeremías 9:23 Jak'a apnaqawi uñst'ayäwi

Job 32:13

Jumanakan wali yatiñanjam jan tukusipkañamatakisti, janiw mä jaqiti, jan ukasti Diosaw juparux suma arunak churani.

Job 41:15

15 (7) Jikhanipax jach'a ch'akhanakan siqintatawa, qalar uñtat ch'ullqhirakiwa.

Salmos 33:5

Tatitux askimpiru chiqapampiruw munasi; ¡munasiñapax uraqpacharuw phuqhanti!

Salmos 34:3

3 (4) Tatitun jach'a kankañap taqpachan yupaychapxañäni.

Salmos 44:9

9 (10) Jichhax juman apanukutaw uñjasipxta; mä p'inqa tukuyapxarakista. Nuwasir tamaxampi chikax janiw mistkxtati.

Salmos 62:10

10 (11) Ch'axwañanakarux jan wayusipxamti; ¡janirak lunthatasiñarus chuym katuyasipxamti! Qamiris tukusipkätaxa, qullqir jan alkatapxamti.

Proverbios 11:4

Qamir yänakax taripäw urun maynirux janiw yanapkaniti, aski kankañasti jiwañat qhispiyani.

Proverbios 21:30

Tatit nayraqatanxa janiw yatiñ kankañax kunäkxiti, janirakiw ch'ikhi kankañasa, suma amuyt'asiñas kunäkxiti.

Proverbios 3:5

Tatitur taqi chuymamamp katuyasim; janiy juman ch'ikhi kankañamaruk alkatamti.

Eclesiastés 2:19

Ukatsti, ¿khitirak naya qhipat jutir jaqin ch'ikhïtapsa, pisi amuyt'anïtapsa yatispasti? Ukatsipana nayax kunanaktix ch'ama tukuñampi, yatiñ kankañamp jikxatkta uk katusini. ¡Ukas inamayarakikiwa!

Eclesiastés 9:11

Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Isaías 10:8

Ukatsti sarakiwa: ‘Taqi reyinakax nayan apnaqatkamakiwa.

Isaías 20:5

Yaqha markanakax Etiopía markaruw alkatasipxäna, Egipto markatsa jach'a jach'aw tukupxäna, uka urusti, ukham lurapxatapat p'inqasxapxaniwa, walrak axsarapxani.

Isaías 47:10

Jumax ñanqha lurañaman wali sum amuyasïyätaxa, sarakïyätawa: ‘Janiw khitis uñjkituti’ sasa. Yatiñ kankañamasa, ch'ikhi kankañamasa jumarux k'arintapxtamwa. Chuymamansti sarakïyätawa: ‘Nayakïtwa, nayat sipan yaqhax janiw utjkiti’ sasa.

Isaías 5:21

¡Ay, kunakïkan jumanakatakixa, khitinakatix taqi kuns yatir yatiri tukupkta, wali ch'ikhïpkasmas ukham amuyasipkta ukanakatakixa!

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 48:14

“Moab markax jan siskpati: ‘Nanakax jan kuna axsarir jaqinakäpxtwa, nuwasïwin nuwasir ch'aman jaqinakäpxtwa’ sasa.

Jeremías 48:7

“Moab marka, jumasti ch'amamaru, qamir yänakamaruw alkatasïyätaxa, ukampis jumax katuntataw uñjasirakïta. Quemós sat diosamasa jayar apatäniwa, sacerdotenakapampi, jilïr jaqinakapampi kuna.

Jeremías 49:4

¿Kunatsa ch'amamat wali jach'achasta? Nayatak sayt'asir marka, ch'amamax tukusxiwa, kuna qamir yänaktix apthapkta ukaruw alkatastaxa, ukatsti saraktawa: ‘¿Khitis nayarux nuwantitaspa?’ sasa.

Ezequiel 29:9

Mä ch'usa wasarar tukutaw uñjasïta, ukapachaw jaqinakax nayan Tatitu Diosätax yatipxani. Jumasti saraktawa: Nilo jawirax nayankiwa, nayaw lurasta, sasa.

Ezequiel 7:19

Qullqinakapsa, qurinakapsa q'añu t'unar uñtat marka thakhinakarux wartapxani. Tatitun q'apisiñap urusti, janiw quripasa, qullqipasa jupanakarux qhispiykaniti, janirakiw manq'at awtjat purakanakapsa phuqt'kaniti, uka qurir munasaw ñanqha lurañanakarux puripxi uka layku.

Daniel (hebreo) 3:15

Jichhasti jumanakax musican toct'asitap ist'asin, killt'asipxäta, nayax luraykta uka dios nayraqatan yupaychapxarakïta. Jumanakatix jan yupaychapkätaxa, jichhpachaw mä aqkir hornor jaquntayapxäma, ¿khiti diosarak ukat qhispiyapxiristamsti? —sasa.

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Sofonías 1:18

Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!

Marcos 10:24

Yatiqirinakapasti uk ist'asax muspharapxänwa, ukampis Jesusax jupanakarux saskakïnwa: —Wawanaka, ¡kunja ch'amas qullqi chuymäkis ukanakan Diosan qhapaq markapar mantañapaxa!

Romanos 1:22

Jupanakax yatiñanïpxtwa sapxänwa, ukampis jan yatiñanjamaw tukupxi;

1 Corintios 1:31

Kunjämtix Qillqatax siski ukarjama: “Maynitix jach'achasiñ munchixa, Tatitut jach'achaspan” sasa.

Deuteronomio 8:17

“Janirak ukatxa chuymanakaman amuyapxamti: ‘Taqi aka yänak ch'amasampiw jikxatasisktan’ sasa.

Filipenses 3:10

Nayax Cristorukiw uñt'añ munta, jakatatäwipan ch'amap katuqañ munta, jupjam t'aqhisiñ munta; jupjam jiwañ munta,

Filipenses 3:8

Ukat juk'ampis, taqi kunatix nayan utjkitu ukanaksti chhaqhatäkaspas ukham amuyta, Cristo Tatituxar uñt'añan mä jach'a askïtap layku. Cristo laykusti taqi kun apanukuwayta, Cristor jikxatañ laykusti, t'unarjamaw taqi kun uñjta,

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Samuel 17:42

Kunapachatix filisteo jaqix Davidar uñkatkän ukkhaxa, sinti wawäskatapa, wilal janchini, suma uñnaqt'anirak amuyäna, ukatsti janiw yäqkänti,