Jeremías 9:22 - Qullan Arunaka DC

²² 22 (21) Jaqinakan jiwat janchinakapax liwirtatäskiwa, q'añu t'unar uñtataw tukusiski, kunjämatix mä grano puyax yawirin qhipäxapar liwiqtki, ukat janirak khitis apthapki ukhama” sasa. Tatituw uk arsu.

Aymar Bibliia 1986

²² Jakenacan jiwat janchinacapasti liwirtasipquiwa, guanor uñtataraquiw tucusisipqui, cunjämatejj mä grano puyajj yawirin khepäjjaparu liwektejja, uqhamaw liwektapjje, janiraquiw qhitis aptquiti” sasa. Tatituw ucjja arsu.

Qullan Arunaca

²² Jakenacan jiwat janchinacapasti liwirtasipquiwa, guanor uñtataraquiw tucusisipqui, cunjämatejj mä grano puyajj yawirin khepäjjaparu liwektejja, uqhamaw liwektapjje, janiraquiw qhitis aptquiti” sasa. Tatituw ucjja arsu.

Jeremías 9:22 Jak'a apnaqawi uñst'ayäwi

2 Reyes 20:13

Ezequías reyisti uka khithanakarux sum katuqäna, ukatsti reyi utan utjir suma imasit yänakap uñacht'ayarakïna, qullqipa, quripa, suma q'apkir qullanakapa, suma aceitepa, nuwasiñ yänak imañ utapa, kunanakatix imañ utanakan utjkatayna taqi ukanaka. Ukatsti reyi uta taqpach muysuyäna, taqi kun uñacht'ayarakïna.

2 Reyes 20:15

Isaías profetasti jiskt'askakïnwa: —¿Kunsa reyi utaman uñjawayapxi? —sasa. Ezequiasax ukxaruw säna: —Taqi kunatix uka manqhin utjki ukanak uñjapxi. Imasiñ utanakaxsa jan mayan taqi uñacht'ayta —sasa.

2 Reyes 9:37

amayapasti Jezreel uraqin wanur uñtat willjatäniwa, ch'akhanakapas jan khitinsa uñt'kayäniwa” —sasa.

Job 5:13

Jupaw ñanqha chuyman jaqirux, pachpa ñanqha amtatanakapar jalantayi, uka ñanqha amtatanakapsa aynacht'ayaraki.

Salmos 49:7

7 (8) ukampis janiw khitis jupa pachpax qhispiyaskaspati, janirakiw qhispiyasiñatakix Diosar qullqi churapkaspati.

Salmos 83:10

10 (11) kamisatix jupanakax Endor chiqawjan t'unjat uñjasipkäna, uraqitakis wanur tukupkän ukhama.

Proverbios 18:11

Qamiritakix qamir yänakapax pirqanakampi muyuntat markäkaspas ukhamawa.

Proverbios 23:4

Qamiriptañatak jan ch'amachasimti; jan ukxat llakisimti.

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 25:33

Khitinakarutix Tatitux uka urux jiwaraykani ukanakasti mä thiyat mä thiyakamaw aka uraqin liwirtapxani. Janiw khitis jupanakat jachkaniti, janirakiw khitis uka jiwatanak imt'añatak apthapkaniti; q'añu t'unar uñtat waranukutäpxaniwa.

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Jeremías 7:33

Uka jaqinakan jiwat janchinakapsti jach'a jamach'inakampi, monte animalanakampiw manq'apxani, janiw ukanakar khiti jark'iris utjkarakiniti.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Habacuc 1:11

Mä jach'a tutuk thayjamaw q'al tukjawayapxi, jupanakan ch'amapaw diosapjamaxa.”

Sofonías 1:17

Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.

Deuteronomio 8:17

“Janirak ukatxa chuymanakaman amuyapxamti: ‘Taqi aka yänak ch'amasampiw jikxatasisktan’ sasa.