Jeremías 9:21 - Qullan Arunaka DC

²¹ 21 (20) “Jiwax utanakasaruw mantani; ventananak chiqaw mantani; wawanakarusti marka thakhinakan anataskir jiwarayi, waynanakarus plazanakan jiwarayaraki.

Aymar Bibliia 1986

²¹ “Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Qullan Arunaca

²¹ “Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Jeremías 9:21 Jak'a apnaqawi uñst'ayäwi

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Isaías 40:30

Waynanakas qarjtakispawa, ch'amtayapxakispawa, wali ch'amaninakas aynacht'akirakispawa,

Jeremías 15:7

Markat anqaruw jaqtansma, wichhu t'unar uñtat willtansma; markaxarux jan wawanakan antutarakta, uka ñanqha jakañap jan apanukuñ munatapat t'unjarakta.

Jeremías 18:21

¡Jichhasti, wawanakap manq'atjam jiwarayam, jan ukax espadampi jiwarayatäpxpan; warminakapasti ijma, jan wawan qhiparapxpan! ¡Chachanakapasti usunakampi jiwarapxpan, waynanakasti nuwasïwin jiwarapxarakpan!

Jeremías 44:7

“ ‘Ukhampï naya, Israelan taqi ch'amani Diosapax sistxa: ¿Kunatsa jumanakpachar uka jach'a ñanqha apasinipxta? ¿Kunatsa jumanakax taqi Judá uraqinkir jaqinakar jiwarañar apt'apxta, chacharu, warmiru, wawanakaru, asu wawanakamppacharusa, jan maynin jiwarañapatakixa?

Jeremías 50:30

Ukat waynanakax marka thakhinakan jiwarapxani, nuwasir jaqinakapas uka urux taqiniw tukusipxani. Naya, Tatituw uk arsta.”

Jeremías 6:11

Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Jeremías 7:33

Uka jaqinakan jiwat janchinakapsti jach'a jamach'inakampi, monte animalanakampiw manq'apxani, janiw ukanakar khiti jark'iris utjkarakiniti.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Joel 2:9

Markarus nuwantañatakjamaw muyuntapxi, pirqa patanak jalanaqapxi, uta patanakaruw mistupxi, lunthatanakjamaw ventananakat mantaranttapxi.

Amós 5:2

Suma q'uma Israel markax tinkxiwa; jan mayampi sartkiriw liwisxi. Pachpa uraqipxar liwitattataw qhipari, janiw khiti waytiris utjkiti.

Amós 6:9

Ukapachasti, tunka chachatix mä utan qhiparanixa, tunkanpachaw jiwarani.

Sofonías 1:17

Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.