Jeremías 9:2 - Qullan Arunaka DC

² 2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Aymar Bibliia 1986

² Walïspawa nayanjja wasaran mä cheka utjitaspa ucan samart'añajjataqui, marcajjat jayaru sarjjañataqui. Takenisa janiw cheka chuymanïpquiti, ch'ojjña lurircamaquïpjjewa.

Qullan Arunaca

² Walïspawa nayanjja wasaran mä cheka utjitaspa ucan samart'añajjataqui, marcajjat jayaru sarjjañataqui. Takenisa janiw cheka chuymanïpquiti, ch'ojjña lurircamaquïpjjewa.

Jeremías 9:2 Jak'a apnaqawi uñst'ayäwi

Isaías 59:3

Jaqinak jiwarayapxatanakamatxa, amparanakamax wilararkamakiwa; jumanakax k'ari parlirkamakïpxtawa, ñanqha arunak parlirkamaki.

Jeremías 12:1

Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Jeremías 12:6

Pachpa jilanakama, khitinakatix wila masinakamäki ukanakaw jumarux ch'uxña lurapxtam, qhipäxamatsti jan wali arunakampiw arnaqapxtam. Suma arunakampi parlapkchïtam ukasa, jupanakarux janipun alkatasimti.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 4:22

Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Jeremías 5:1

Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Jeremías 5:11

¡Israelampi, Judämpix nayar sallqjapxituwa! Naya, Tatituw uk arsta” sasa.

Jeremías 5:2

Yaqhipanakax Tatitun sutipxaruw juramento lurasipki, ukampis uka juramento luratanakaparux janiw phuqhapkiti” sasa.

Oseas 4:2

Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Oseas 5:7

Wachuqa jucha lurir warmjamaw sarnaqapxtaxa: yaqha diosanakar yupaychasaw nayar sallqjapxistaxa, jichhax wawanakamax janiw nayan markaxäkxaniti. Ukatpï jumanakasa, uraqinakamas q'ala tukjatänixa.

Oseas 6:7

“Ukampis markaxaxa, Adanjamarakiw arust'äwixarux jan phuqkiti, janirakiw nayatak chiqa chuymanïpkiti.

Oseas 7:4

Taqi jupanakasti wachuqa jucha lurirkamakïpxiwa; junt'uptayat hornor uñtatäpxiwa, janiw juk'amp junt'uptayañax wakiskxiti, t'ant'a luririx t'ant'a masan puqtañapak suyxañapa.

Miqueas 6:12

Aka markankir qamirinakax jaqir t'aqhisiyirkamakiwa; taqinis k'arinaka, sallqjirkamakïpxiwa.

Sofonías 3:4

Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Malaquías 2:14

Ukatsti jiskt'asisipkaktawa: “¿Kunatsa ukhamäpacha?” sasa. Tatituw uñjaraktam, kuna arunaktix jumax waynäkasin, jaqichaskta uka warmir arsutam jan phuqhatama. ¡Warmimax jumamp chika sarnaqirïnwa, jumasti jupa sapampik jakañatakiw arsuraktaxa!

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

Jueces 2:10

Josué chacha mita israelitanakax taqiniw jiwarxapxarakïna. Ukhamasti, uka qhipat yuriri israelitanakax janiw Tatitur uñt'apkänti, janirakiw Israel markatak jupan jach'a muspharkañ luratapatsa yatipkänti.