Jeremías 9:19 - Qullan Arunaka DC

¹⁹ 19 (18) Taqi aka markpachan jaqinakan jachatanakapax ist'asi: “Q'ala t'unjatarakïtansä, jisk'achjatarakis uñjastanxä. Utanakasax q'ala t'unjatawa, markasat sarxañakiw wakt'xistu” sasa.

Aymar Bibliia 1986

¹⁹ Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Qullan Arunaca

¹⁹ Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Jeremías 9:19 Jak'a apnaqawi uñst'ayäwi

Isaías 32:9

Jan kunat llakt'asir warminaka, kuntix sapkäma uk ist'apxam. Jan yäqasir warminaka, arunakax ist'apxam.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 2:14

“Israelax janiw mä t'aqhisiyat jaqïkiti; jupax janiw t'aqhisiñan yurkarakïnti. ¿Jichhasti kunatarak taqi yänakap aparapxisti?

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Jeremías 4:20

Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.

Jeremías 7:15

Jumanakarusti, naya nayraqataxat jayaruw jaqunukupxäma, kunjämatix Efrainan wawanakaparu, jumanakan jilanakamäki ukanakarux jaqunukta ukhama.’

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Lamentaciones 4:15

“¡Jithiqtapxam, jithiqtapxam, q'añu lurir jaqinakawa, jan llamkt'apxamti!” sasaw arnaqasipxi. Yaqha markankir jaqinakas “muyuyku jaqinakawa, janiw akan jakapkaspati” sasaw arnaqasipxaraki.

Lamentaciones 5:2

Uraqinakaxasa, markaxasa jichhax yaqha jaqinakan amparapankxiwa.

Ezequiel 27:2

“Jumax Ezequiel, Tiro markatak aka amay imäwi q'uchu q'uchum,

Levítico 18:25

uraqinakapas uka kipkarakiw q'añuchjat uñjasxarakïna, ukatpï nayax jupanakarux uka ñanqha luratanakapat wayt'araktxa, uka markas taqi jakirinakaparuw ananukxaraki.

Levítico 18:28

¡Uka uraqisti janirak jumanakarux apanukpati, kunjämtix jumanakat nayra jakapkän ukanakar apanukkän ukhama!

Levítico 20:22

“Nayan kamachinakax phuqhapxapunim, ukarjamarak sarnaqapxam. Ukhamat kawkïr uraqirutix irpapksma uka uraqit janiw jumanakarux apanukupkämati.

Miqueas 2:10

¡Jichhax sartapxam! ¡Akat sarapxam! Aka chiqax janiw samarañatakïkiti; ñanqha lurañampi phuqhantatawa, ukat q'al tukjatarakïni.

Miqueas 2:4

Khaya urunakansti jumanakat larusisaxa, jachañ q'uchunak q'uchupxani. Sapxarakïtamwa: ‘Q'ala tukjatapunïtanwa; jiwasax Tatitun markapätanwa, jichhax yaqhan amparapankxtanwa, janirakiw khiti jark'aqt'iris utjkiti; uraqinakasasti atipjirinakasar lakinuqatawa’ ” sasa.

Deuteronomio 28:29

Ukatsti urunsa mä juykhur uñtataw katt'asis sarnaqäta. Janirakiw kuna luratamas sumäkaniti. T'aqhisiyata, sallqjatapuniw uñjasïta, janiw khitis yanapt'ir jutkarakïtamti.